- Evropa chempionati startidagi natijalar qanday taassurot qoldirdi?

- Unchalik ham xayratga solgani yo'q. Grandlar o'z o'yinlarini yutishdi, xolos.

- Angliya, Franciya, Italiya ilk turda kichik hisoblarda g'alaba qozondi. Yuqori maqsad qo'ygan jamoalar uchun bu oddiy holatmi?

- Bu katta turnir. Shunday ekan g'alabaning katta yoki kichigi bo'lmaydi. O'yin borasida Franciya Italiya va Angliyadan yaxshiroq ko'rindi. Tarkib Angliyada eng zo'rlaridan biri. Lekin o'yini sustroq. Murabbiy imzosi ko'rinmayapti. Menimcha, Sautgeyt uchun bu oxirgi musobaqa. Italiya qanday tarkibda bo'lmasin doim grandlar qatorida bo'lgan va shunday kichik hisoblar bilan finallarga chiqqan.

- Qaysi terma jamoaga muxlislik qilyapsiz va qanday natija kutyapsiz?

- Ispaniya va albatta chempionlik.

- Xorvatiya, Belgiyaning natijalari qanchalik kutilgan yoki kutilmagan bo'ldi?

- Xorvatiyaning mag'lubiyatini tushunish mumkin. Ular bo'lajak chempionlarga engildi. Belgiya biroz ajablantirdi va o'z darajasida o'ynamadi. Balki bosqichma-bosqich kuchayib borar. Evropa chempionatida hozircha eng yaxshi jamoa Germaniya bo'lib turibdi. Germaniya, Ispaniya va Franciyadan bittasi aniq finalda ishtirok etsa kerak.

Ikrom Aliboev: "Angliyada murabbiy imzosi ko'rinmayapti, Ispaniyadan chempionlikni kutmoqdaman"