Илҳом Юнусов: “Гол уришимдан ғалабамиз муҳимроқ”

Кеча “Насаф” футболчилари “Қўқон-1912” жамоаси устидан йирик ғалабага эришиб, турнир жадвалидаги мавқеларини мустаҳкамлашди. Шу куни қаршиликларни тажрибали ярим ҳимоячи Илҳом Юнусов сардор сифатида майдонга бошлаб тушди. Таъкидлаш жоизки, у бу вазифани шараф билан бажарди, жамоамиз томонидан киритилган барча голларда иштирок этди. Ўйиндан кейин Илҳом Юнусовдан учрашув ҳақидаги фикрлари билан қизиқдик.