“Malaga”dan kelgan o'yinchi har bir futbolchi orzu qiladigan darajada katta tezlik bilan ko'tarilmovda. U keldi, o'z o'yin uslubiga ega, hamma hujum u orqali boshlanmoqda, yahshi assistenlik qilmoqda, “Bernabeu”ni sevadi va gollar uradi.

“Bernabeu” Iskoning nozik o'yinidan va tug'ma g'olib tuyg'usiga ega Krishtianudan zavq olmoqda. Anchelotti ulardan ham ko'p zavqlanmoqda. U Iskoga bir ikki kun tatil berishni o'ylayotgandi, lekin Beylning jarohati hamma rejalarini o'zgartirishiga sabab bo'ldi. Isko yana bir bor gol urishga erishdi. Endi uning hisobida oltita o'yinda beshta gol mavjud, u “Santyago Bernabeu”da uchta o'yinda ham asosiyda tushdi va uchta gol muallifi bo'ldi. U hali atiga 21 yosh. Uning futboldagi kelajagi esa juda rang-barang ko'rinmoqda va u bundan ham yuqori marralarni zabt etishi mumkin.

Krishtianu har doimgidek gollarga chanqoq. Bundan tashqari Krishtianu har doim yuqori darajali bo'lib yuraveradi, raqibga qarab o'tirmaydi va bir necha gollar urishga tayyor turadi. Xuddi qishda har doim qor, yozda esa har doim issiq ko'rgandek “Santyago Bernabeu”da ham uning gollarini ko'raverasiz.

“Xetafe” bilan o'yinda Beyl yo'qligida pand bermadi va u Madridning hujumdagi asosiy qahramoni bo'ldi. U gollar fabrikasi. O'sha o'yinda urgan ikkita goli bilan Ronaldu “Real” Madriddagi gollar sonini 209taga etkazdi va Madridning yana bir afsonasi Ugo Sanchesdan o'tib ketdi.

Agar bularni alohida tariflaydigan bo'lsak, ular ajoyibdir, lekin ular “Real” Madrid futbolkasida maydonga tushib qolsa bu shunchalar chiroyli o'yin bo'ladiki buni videoga yozib olishingiz ham mumkin. Isko Krishtianuning o'yiniga tan beradi. U maydonda Krishtianuni qidiradi va u qayerda turishidan qatiy nazar unga pasni etkazib bera oladi.

Madrid ham o'z navbatida Iskoning o'yin uslubini tushundi va moslashib olishiga imkoniyat berdi. Yosh bo'lishiga qaramay “Real” Madridga ritm taqdim qila olyapti. Bunisi esa endi hazil emas. Yigitcha jamoaga qo'shilib ketdi va o'yindagi kombinaciyalarning sardori bo'lib oldi.

Bu ikkalasining o'yin uslubi bir birinikiga o'xshamaydi. Ispaniya gitarasi. Alohida alohida tovush va ritmga ega gitaraga o'xshashadi.

“Real” Madridning bu mavsumdagi 18 ta golining 12 tasini ikkalasi birgalikda urgan. Endi Anchelottida hujumni bog'lab turuvchi ajoyib juftlik bor. Bular qatoriga Benzema, Beyl, Di Mariya va boshqalarni ham qo'shishimiz mumkin.

Javlonbek Yusupov tarjimasi.

Isko va Krishtianu ajoyib juftlik!