Uchrashuvning 22-daqiqasida maydon markazida qo'pol xatodan so'ng Volid Juma chap qanotdan oldinga o'tdi va jarima maydoniga to'pni uzatdi, Issam Jemaa boshi bilan darvozaga yo'lladi - 0:1.

37-daqiqada Koutinoning pasidan so'ng Jemaa darvozabon bilan birga bir vaziyatga chiqib darvozani ishg'ol qildi - 0:2.

66-daqiqada zaxiradan maydonga tushgan Sardor Mirzaevning to'p uzatishidan so'ng Ivan Nagaev boshi bilan darvozani ishg'ol qildi - 1:2.

87-daqiqada jarima to'pidan oshirib berilgan to'pni Issam Jemaa darvozaga yo'lladi - 1:3.

Shunday qilib "Lokomotiv" xuddi "Nasaf" singari pley-offdagi dastlabki o'yinda mag'lub bo'lib musobaqa bilan xayrlashdi.

OCHL-2014, 2-saralash bosqichi uchrashuvi
9 fevral, yakshanba
LOKOMOTIV (O'zbekiston) – AL-QUVAYT (Quvayt) 1:3
Hakamlar: Tojo Minoru (Yaponiya), Shinji Ochi (Yaponiya), Otsuka Xaruxiro (Yaponiya), Pratap Singh (Hindiston).

Gollar: Issam Jemaa, 22 - 0:1. Issam Jemaa, 37 - 0:2. Ivan Nagaev, 66 - 1:2. Issam Jemaa, 88 - 1:3.

"Lokomotiv": 12.Temur G'aniev, 3.Evgeniy Gogol, 6.Anvar G'ofurov, 20.Islom To'xtaxo'jaev, 22.Sherzod Sharipov (9.Sardor Mirzaev, 62), 29.Viktor Karpenko (23.Ivan Nagaev, 46), 30.Dilshod Jabborov, 77.Jasur Hasanov (kattasi), 87.Andrey Kojokar, 88.Lutfulla To'raev (16.Jasur Hasanov (kichigi), 46), 99.Vyacheslav Shevchenko.

Zaxira: 32.Eldor Isaboev, 4.Boburbek Yo'ldoshev, 8.Akmal Xolmatov, 11.Aleksandr Shadrin.

"Quvayt SK": 1.Musab Al Kandari, 2.Yoqub Tohir, 3.Fahad Avad, 6.Javod Nekunam, 7.Fahad Al Enazi (8.Abdulla Al Buraiki, 80), 10.Rojerio Koutino (37.Sheridah Al Sheridah, 90) 13.Chadi Hammami, 15.Volid Juma, 15.Issam Jemaa (31.Sami Al Sanea, 88), 20.Husain Al Shammari, 33.Fahad Al Rashidi.

Zaxira: 22.Badir Al Azami, 16.Xolid Al Azmi, 18.Jarah Al Atiqi, 38.Fahad Salim.

Ogohlantirishlar: Lutfulla To'raev 45+1, Andrey Kojokar, Chadi Hammami, Yoqub Toxir,

Nazoratchi: Husayn Asqariy (Eron).
Komissar: Dorji Mindu (Butan).

MATNLI TRANSLYACIYA

90+1 daqiqa.
90 daqiqa. O'zgarish. "Quvayt SK". Rojerio Koutino o'rniga Sheridah Al Sheridah maydonga tushdi
88 daqiqa. O'zgarish. "Quvayt SK". Issam Jemaa o'rniga Sami Al Sanea tushdi
87 daqiqa. Jarima to'pidan oshirib berilgan to'pni Issam Jemaa darvozaga yo'lladi, xet-trik...
86 daqiqa. GOL. 1:3
82 daqiqa. Dilshod Jabborov tomonidan amalga oshirilgan jarima to'pini himoyachilar qaytarib yuborishdi
81 daqiqa. Ogohlantirish. "Quvayt SK". Yoqub Toxir
80 daqiqa. O'zgarish. "Quvayt SK". Fahad Al Enazi o'rniga Abdulla Al Buraiki maydonga tushdi
78 daqiqa. Jarima to'pidan so'ng raqib darvozasi oldida juda xavfli vaziyat sodir bo'ldi, biroq Gogol hujumda qoidani buzdi
76 daqiqa. Ogohlantirish. "Quvayt SK". Chadi Hammami
73 daqiqa. "Loko" deyarli butun tarkib bilan hujumga o'tmoqda, mehmonlar safidagi Koutino himoyachilarga tinchlik berayotgani yo'q
73 daqiqa. Ogohlantirish. "Lokomotiv". Andrey Kojokar
72 daqiqa. Katta Jasurning pasidan so'ng Nagaev darvozaga zarba yo'lladi, noaniq
69 daqiqa. Hisob qisqargach mezbonlar yanada jonlanib qolishdi. Nagaev oshirib berilgan to'pga eta olmadi.
66 daqiqa. Zaxiradan maydonga tushgan Sardor Mirzaevning to'p uzatishidan so'ng Ivan Nagaev boshi bilan darvozani ishg'ol qildi - 1:2.
66 daqiqa. GOOOOOOOOOOOOOL. IVAN NAGAEV 1:2
63 daqiqa. Kichik Jasur Hasanovning yo'llagan zarbasi noaniq ketdi...
61 daqiqa. O'zgarish. "Lokomotiv". Sherzod Sharipov o'rniga Sardor Mirzaev maydonga tushdi
60 daqiqa. Mehmonlar ham hujumga o'tishdi, Koutino sal qolsa hisobni yiriklashtirishi mumkin edi, yo'llangan zarba himoyachiga tegib maydonni tark etdi.
58 daqiqa. Katta Jasurning yo'llagan kuchli zarbasi yo'liga faqatgina darvoza ustuni g'ov bo'ldi!
57 daqiqa. Xavfli vaziyat! G'ofurovning pasidan so'ng Shevchenko darvozaga zarba berdi, erlab kelgan to'pni darvozabon ushlab oldi.
54 daqiqa. "Quvayt SK" darvozasi oldidagi burchak to'pidan so'ng xavfli vaziyat sodir etilgandi, biroq darvozaga zarba beradigan futbolchi topilmadi.
51 daqiqa. Anvar G'ofurovning jarima maydoni tashqarisidan yo'llangan zarba ancha yuqoridan ketdi.
50 daqiqa. Ikki qanotda Jasur Hasanovlar raqiblarga tinchlik berishmayapti, ammo hozircha samarasiz
49 daqiqa. Mezbonlar katta kuch bilan hujumga o'tishmoqda
46 daqiqa. Ikkinchi bo'lim boshlandi.
46 daqiqa. O'zgarishlar. "Lokomotiv". Viktor Karpenko o'rniga Ivan Nagaev maydonga tushdi. Lutfulla To'raev o'rniga Jasur Hasanov maydonga tushdi.

45+2 daqiqa. Birinchi bo'lim yakunlandi. Hozircha 0:2
45+1 daqiqa. Ogohlantirish. "Lokomotiv". Lutfulla To'raev
45 daqiqa. Birinchi bo'limga ikki daqiqa qo'shib berildi
42 daqiqa. Karpenkoning 20 metrlardan yo'llagan zarbasi ancha noaniq ketdi.
41 daqiqa. Koutino o'ng qanotdan jarima maydoni ichiga kirib borib o'tkir burchakdan zarba berdi, G'aniev to'pni qaytarib qoldi.
39 daqiqa. "Lokomotiv" hujumga o'tdi, To'raev darvzaga zarba bera olmadi.
37 daqiqa. Koutinoning pasidan so'ng Jemaa darvozabon bilan birga bir vaziyatga chiqib darvozani ishg'ol qildi - 0:2.
37 daqiqa. GOL. "Quvayt SK" yana gol urdi - 0:2
32 daqiqa. Quvaytliklar hisobni ochishganidan so'ng to'liq tarkib bilan himoyalanishmoqda, vaqti kelsa qarshi hujumga o'tishmoqda.
30 daqiqa. Andrey Kojokarning jarima maydoni tashqarisidan yo'llagan zarbasidan so'ng darvozabon to'pni qaytardi.
28 daqiqa. Mezbonlar yana burchak to'pini amalga oshirishdi, bu safar ham samarasiz
27 daqiqa. Karpenko o'ng qanotdan to'pni jarima maydoniga oshirdi, himoyachilar o'z joyida
25 daqiqa. Shevchenko havo jangida darvozabonga nisbatan qo'pol o'ynadi va hujum to'xtadi
22 daqiqa. Maydon markazida qo'pol xatodan so'ng Volid Juma chap qanotdan oldinga o'tdi va jarima maydoniga to'pni uzatdi, Issam Jemaa boshi bilan darvozaga yo'lladi - 0:1.
22 daqiqa. GOL. "Quvayt SK" hisobni ochdi 0:1
19 daqiqa. "Lokomotiv"ning hujumini Husain Al Shammari to'pni qo'li bilan o'ynab to'xtatdi.
16 daqiqa. Shu vaqtga qadar "Loko" 9 marta burchak to'pini amalga oshirdi.
15 daqiqa. Tashabbus to'la "Lokomotiv" tomonida. Anvar G'ofurov tomonidan jarima maydoniga uzatilgan to'pga hech kim eta olmadi.
14 daqiqa. Burchak to'pidan so'ng Lutfulla To'raev Kandari qo'riqlayotgan darvozani nishonga oldi, noaniq.
13 daqiqa. Yana Shevchenko boshi bilan darvozaga zarba berdi, to'pni darvozabon ushlab qoldi.
12 daqiqa. 30 metrlardan belgilangan jarima to'pini Dilshod Jabborov darvoza tomon yo'lladi, to'p darvoza ustuni yonginasidan o'tib ketdi.
11 daqiqa. Ikkala bosh murabbiylari o'yinni tik turgan holatda kuzatishmoqda.
10 daqiqa. "Temiryo'lchilar" endi chap qanotdan oldinga o'tishdi, Jasur Hasanov to'pga eta olmadi.
9 daqiqa. Xavfli vaziyat! Karpenko jarima maydoniga havodan to'p uzatdi, ikkinchi qavatda raqiblarni dog'da qoldirgan Shevchenko boshi bilan darvozaga zarba yo'lladi, noaniq.
8 daqiqa. Jasur Hasanovning 20-daqiqada darvozaga yo'llagan zarbasi to'sin ustidan o'tib ketdi.
7 daqiqa. Quvaytlikning qarshi hujumlaridan biri, Koutino darvozabon bilan birga bir vaziyatga chiqib bordi. G'aniev chaqqonroq harakat qilib to'pni tepib yubrdi.
5 daqiqa. Jasur Hasanov ketma-ket ikki bor burchak to'pini amalga oshirdi. Uchinchi urinishda esa Anvar G'ofurov noaniq zarba berdi.
4 daqiqa. Yana "Loko"ning hujumi. Biroq Karpenko uzatib berilgan to'pga eta olmadi. Uni himoyachilar maydon tashqarisiga chiqarib yuborishdi.
2 daqiqa. Raqib jarima maydoniga uzatilgan to'pni Kandari birinchi urinishda ushlab ololmadi, biroq uni yonida hech kim yo'q edi.
1 daqiqa. O'YIN BOSHLANDI!
13:57. O'yinni qizil formada o'ynaydigan "Lokomotiv" boshlab beradi. Mehmonlar qizil formada
13:55. Jamoalar maydonga tushib kelishdi

Issam Jemaa "Lokomotiv"ni taslim qildi