Asli Rossiyaning Xabarovsk o'lkasida tug'ilib, taqdir taqqozosi bilan serquyosh O'zbekistonimizga kelib qolgan va shu zaminda, yana ham aniqrog'i Surxondaryo viloyatining Jarqo'rg'on tumanida kamol topgan, futbolga yoshligidan mehr qo'ygan, umrining keyingi ellik yildan ko'proq vaqtini shu sohaga bahshida etgan Viktor Georgievich Aleshnikov na shunday insonlardan biri hisoblanadi.

Hayoti va futboldagi faoliyatining aksariyat qismi mamlakatimizning janubiy qismida o'tdi. Yoshligidan sportga bo'lgan qiziqish uni qo'shni Tojikistonning Dushanbe shahridagi Jismoniy tarbiya texnikumiga etakladi. Ushbu maskanni tamomlagach, yigitlik burchi - harbiy xizmatni o'tab uyiga qaytdi. Mehnat faoliyatini Jarqo'rg'on tumani "Paxtakor” ko'ngilli sport jamiyatida metodist (1971 y.-1974 y.), Jarqo'rg'on tumani jismoniy tarbiya va sport qo'mitasi qoshidagi BO'SM murabbiyi (1975 y.- 1994 y), Sho'rchi tuman “Sho'rchi-Lochin” FK bosh murabbiyi (1994 y.-2000 y. va 2005 y.-2006 y.), G'uzor tuman “Sho'rtan” PFK Bosh murabbiyi (2000 y.-2003 y.), Termiz shahar “Surxon” PFK yordamchi murabbiyi (2004 y.-2005 y.), Muborak tuman “Mashal” futbol akademiyasi murabbiy selekcioner (2007 y.-2008 y.), G'uzor tuman”Sho'rtan” PFK murabbiyi, bosh direktori (2008 y.-2020 y.), Surxondaryo viloyati futbol Associaciyasi etakchi mutaxassisi (2020 y.-2023 y.), Surxondaryo viloyati futbol Akademiyasi murabbiyi (2024-y. hozirgi vaqtga qadar) lavozimlarida ishladi.

V.Aleshnikov murabbiylik faoliyati davomida (1977 yilda) “Paxtakor” Markaziy sport jamiyati tomonidan yosh futbolchilarni tayyorlashda va Respublika musobaqalarida yaxshi natijalarga erishgani uchun “Eng yaxshi murabbiy” medali va fahriy yorlig'i bilan taqdirlandi.

1977 yilda “Avtomobilist” Termiz shahar futbol jamoasiga o'z tarbiyalanuvchisi Aleksandr Yarcevni tarbiyalab, etkazib berdi. A.Yarcev “Avtomobilist” Termiz sharafini 11 yil Sobiq Ittifoq musobaqalari 7-hudud 2-liga chempionatida ishtirok etib, “Sport ustasi” unvoniga sazavor bo'ldi.

1984-1985 yillarda “Paxtakor” Toshkent, “Surxon” Termiz futbol jamolariga mahoratli futbolchilar - Albert Caraev, Sergey Tertichniy, Rafael Axmadjanovlarni tarbiyalab berdi.

1994-2000 yillarda murabbiy V.Aleshnikov Surxondaryo viloyati Sho'rchi tumanida “Sho'rchi-lochin” futbol jamoasi Birinchi ligasida bosh murabbiy lavozimida ishlab Oliy ligada qatnashib kelayotgan “Surxon” futbol jamoasiga mahoratli futbolchilar - Bahodir Annamatov, Otabek Shomurodov, Ildar Xayrutdinov, Ilhom Shomurodovni tayyorlab berdi. Bu futbolchilar bir necha marta O'zbekiston Olimpiya va milliy terma jamoasi safida Halqaro musobaqalarda O'zbekiston sharafini himoya qilishdi. B.Annamatov 2001 yilda “Nasaf” futbol jamoasi safida O'zbekiston chempionatida faxrli uchinchi o'rinni olib bronza medali sohibi bo'ldi. O.Shomurodov 2001 yilda “ Neftchi” Farg'ona jamosi safida o'ynab, O'zbekiston Oliy liga jamoalari o'rtasida birinchi o'rinni olib, oltin medal sohibi bo'ldi. I.Shomurodov ko'p yillar davomida “Nasaf” Qarshi shahar futbol jamoasi safida o'ynab, 2011 yilda OFK Kubogini qo'lga kiritdi. Ilhom Shomurodov 2009 yilda O'zbekistonning eng yaxshi o'yinchisi va to'purari bo'ldi.

2007 yilda V. Aleshnikov “Mashal” futbol akademiyasida murabbiy-selekcioner bo'lib ishlagan davrida “Mashal” futbol Akademiyasiga yosh qobiliyatli futbolchilar - hozirgi kunda mamlakatimizning etakchi futbolchilari Eldor Shomurodov va Sardor Abduraimovlarni Akademiyaga tarbiyalanuvchi sifatida qabul qilinishida katta mehnati singan. Hozirgi kunda Eldor Shomurodov O'zbekiston milliy terma jamoasi etakchi o'yinchisi. 2019 yili esa O'zbekistonning eng yaxshi futbolchisi nomiga sazavor bo'ldi. U 2016 yili “Bunyodkor” (Toshkent) tarkibida O'zbekiston chempionatida kumush medal sohibligiga erishib, 2017 yildan boshlab, Rossiya Premer ligasi “Rostov“ futbol klubi azosiga aylandi.

2020-2021 yillar davomida Italiya “A” seriyasi “Jenoa” futbol klubiga, 2022-yili esa Italiya “A” seriyasi Rimning “Roma” futbol klubiga, 2023-2024 yili Italiya “A” seriyasi “Speciya” va “Kalyari” futbol klublari azosiga aylandi.

O'tgan yillar ichida Viktor Aleshnikov ko'plab yosh futbolchilarga hamda murabbiylarga o'z bilim va tajribasini, futbol sir-asrorlarini o'rgatdi. Hozirgi kunda yubilyarimiz Surxondaryo viloyati futbol Associaciyasi ommaviy futbolni rivojlantirish bo'limi etakchi mutaxassisi vazifasida ishlab kelmoqda. O'z mehnatini, tajribasini yoshlardan, o'sib kelayotgan kelajak avloddan ayamaydigan

V.Aleshnikovni tajribali murabbiy, fidoyi inson sifatida Respublikamizda hurmatga sazovor bo'lgan murabbiylardandir. Shogirdlar ardog'ida bo'lgan 75 yoshni qarshi olayotgan Viktor boboga yubileyingiz qutlug' bo'lsin deb qolamiz!

Janubning fidoyi murabbiyi Viktor bobo 75 yoshni qarshi oldi