Bugun “Maksam-Chirchiq” klubi 2-tur so'nggi uchrashuvida “Nasaf”ga qarshi maydonga tushdi. Bellashuv 1:0 hisobida chirchiqliklarning g'alabasi bilan yakunlandi. Yagona golni

“Maksam-Chirchiq” safida Javlon Anorov kiritdi. O'yindan keyin Anorov bilan suhbatlashdik.

“Bugun juda qiyin o'yinni o'tkazdik. “Nasaf” biz kutgandan ham yaxshiroq o'ynadi va qarshilik ko'rsatdi. G'alabaga bo'lgan katta ishtiyoqimiz evaziga muhim bo'lgan g'alabani qo'lga kiritdik. Bugun kam xato qilgan jamoa g'alaba qozonishi mumkin edi. Yakunda biz esa uch ochkoga ega bo'ldik.

Bu yil oldimizda mavsumni kuchli uchlikda yakunlash vazifasi qo'yilgandi. Mavsum oldidan tarkibimizda turli jamoalardan yangi o'yinchilarni taklif qilingan. Ular bilan maydonda til topishib ketish uchun biroz vaqt kerak. Keyingi turga qadar mashg'ulotlarda puhta tayyorgarlik ko'ramiz. Yo'l qo'yilgan xatolar ustidan ishlagan holda, jamoaviy o'yindagi kamchiliklarimizni yaxshilaymiz. Ishonamanki, keyingi o'yinlarda natijalarimiz ijobiy ko'rinish oladi", - dedi Javlon Anorov.

Javlon Anorov: “Bugun katta ishtiyoq evaziga g'alaba qozondik”