Chirchiqliklar “Navbahor” (3:5) va “Metallurg” (3:3)ga qarshi o'ynadi. Jamoa etakchi futbolchisi Javlon Anorov 5-turda 2ta gol urishhga erishdi. Tur yakunlari bo'yicha Anorov fikrlariga quloq tutdik.

"Afsuski, ko'zlangan ochkolarni qo'lga kirita olmadik. Chunki tarkibda yo'qotishlar borligi sabab bo'ldi. Baribir, tarkibda yuzaga kelgan yo'qotishlar o'z tasirini o'tkazdi. Maqsadimiz 6 ochkoni qo'lga kiritish edi. Deylik, o'tkazilgan ikkala bahs ham qiyin kechdi. “Metallurg”ga qarshi o'yinda birinchi bo'limda ko'p xato qildik. Tanaffus vaqtida murabbiyimiz bergan ko'rsatmalarni to'g'ri bajardik va hisobda o'zgarish qildik va yakunda durang natija qayd etdik.

Mavsum boshida 4-o'rinni egallash vazifasi jamoa oldiga qo'yilgandi. O'ylaymanki, hali imkoniyatlarimizni saqlab qolganmiz va oxirgi turlarga qadar kurashni to'xtatmaymiz.

Kelasi turda ham juda qiyin o'yinlar bo'lib o'tadi. O'ylaymanki, mazkur bahsda o'zimizga kerakli ochkolarni qo'lga kirita olamiz", - deydi Anorov.

Javlon Anorov: "Tarkibda yuzaga kelgan yo'qotishlar o'z tasirini o'tkazdi"