"Насаф" жамоаси 2011 йилги мавсум давомида ОФК кубогида кўтаринки руҳда қатнашишганди. Гуруҳ босқичи доирасидаги барча учрашувларда рақиблар ўта йирик ҳисобларда тор-мор этилгандилар. Анатолий Демьяненко шогирдлари плей-офф босқичини ҳам анча ишончли ўтказиб турнирнинг ҳал қилувчи баҳсига қадар етиб боришади.

Қуръага кўра финал баҳси Қарши шаҳрида ўтказилди. Финалга жуда катта тайёргарлик кўрган қаршиликлар Кувайтнинг “Кувайт СК” жамоасини 2:1 ҳисобида доғда қолдириб, ОФК кубоги ғолибига айлангандилар.

"Насаф" жамоаси ўзбек клублари ичида халқаро мусобақада ғолиб чиққан илк клуб саналади.

Тарихий ўйин қайдномаси:

ОФК кубоги - 2011.

Финал.

«НАСАФ» - «Кувайт СК» - 2:1 (0:0)

2011 йил, 29 октябрь. Қарши. "Марказий" стадион. 15753 томошабин.

Ҳакамлар: Ким Дон Жин, Жеон Хайи Сан, Ли Жун Мин (Жанубий Корея).

Голлар: Шомуродов, 62 1:0. Переплёткинс, 64 2:0. Каби, 69 2:1.

«Насаф»: Муроджон Зуҳуров, Ботир Қораев (с), Боян Малишич, Мақсуд Каримов, Жаҳонгир Жиямуродов, Лутфулла Тўраев, Эркин Бойдуллаев, Андрей Переплёткинс, Артур Геворкян, Илҳом Шомуродов (Фозил Мусаев, 84), Иван Бошкович (Артём Филипосян, 90+4).

«Кувайт СК»: Холид Фадҳли, Ёқуб Тоҳир, Фаҳад Авад, Рафат Жобир, Ҳусайн Шаммари (Али Алкандари, 81), Лассана Фане, Рожерио, Аҳмад Сабоҳ (Абдуллоҳ Бураики, 61), Носир Ал Қаҳтони, Холид Шаммари, Ландри Каби.

Учрашув комиссари: Абдул Ғафур Ҳамид (Мальдив орллари).

Огоҳлантиришлар: Каби, 26. Аҳмад Сабоҳ, 35. Ҳусайн Шаммари, 49. Зуҳуров, 88. Малишич, 89.

Бу жамоа нафақат "Насаф" клубининг, балки ўзбек футболи тарих зарварақларидан муҳим жой олган....

"Насаф" тарихида янги саҳифа очган футболчи - Артур Геворкян. "Насаф" тарихидаги энг кучли футболчиларидан биттаси, агарда энг кучлиси бўлмаса... Ҳа, у бугун "Локо" сафида ўзининг собиқ жамоасига қарши тўп тепади

Анатолий Демьяненко. Бу мутахассис ўзбек клубларига халқаро мусобақада соврин ютиб берган илк ва ягона мураббий бўлиб турибди. Ҳеч ким билмаслиги мумкин, аммо айнан Демьяненко ўша пайтда ОФК кубогида Элдорбек Суюновга ишонч билдирганди. 20 ёшли иқтидорли посбонга халқаро майдон ҳавосидан нафас олишга имконият яратиб берганди.

"Насаф" тарихида жамоа эришган энг юқори чўққиларда таянч бўлиб берган Эркин Бойдуллаев

Демьяненко даврида "гуллаган", аммо Бердиев қўл остида ўйнай олмаган ОФК Кубоги-2011 тўпурари - Иван Бошкович. Қўлида байроғимизни хилпиратиб турган ажойиб футболчи эса Жаҳонгир Жиямуродов...

Кимлигини айтиб ўтириш шарт бўлмаса керак. Чунки яхши инсонлиги билиниб турибдику...

Кун тарихи. "Насаф" ОФК кубогини қўлга киритганига 5 йил тўлди