26 yoshli urugvaylik “Liverpul”dan “Arsenal”ning 40 million 1 funtlik taklifini ko'rib chiqishini talab qilmoqda, bu haqda nafaqat og'zaki balki yozma kelishuv bor ekan. Luis Chempionlar Ligasida o'ynaydigan jamoada o'ynash uchun hamma imkoniyatni ishga solmoqchi.

O'tgan mavsumda menda Evropaning katta jamoasiga o'tish imkoniyati mavjud edi, lekin men agar keyingi mavsumda Chempionlar Ligasiga chiqolmasak qo'yib yuborishlari sharti bilan qolgandim. O'tgan mavsumda men bor kuchimni berib o'ynadim lekin bu kuchli to'rtlikka kirishimizga etarli bo'lmadi, shuning uchun ham men “Liverpul” kelishivumizni bajarishini xohlayman”.

“Ular menga o'tgan yili so'z berishdi, endi shuni bajarishsin. Men boshqa jamoaga “Liverpul”ga ziyon etkazish uchun o'tmayapman”.

“Ular meni xuddi men ularni maydonda himoya qilgandek himoya qilishdi. O'yinchilar meni doimo qo'llab-quvvatlashdi va buning uchun ulardan minnatdorman. Xuddi shunday muxlislardan ham. Muxlislar mendan nafratlanishadi deb o'ylamayman, o'ylashimcha ular yuqori maqsadlarga intilgan o'yinchini tushunishadi”.

“Siz hali jamoa bilan birga ekansiz, hamma bir birini qo'llab quvvatlaydi, lekin bu jamoa o'z majburiyatini bajarmaslik huquqini bermaydi”.

“Men 26 yoshdaman. Chempionlar Ligasida o'ynashim kerak. Men bir yil kutdim va hech kim meni maqsadga erishish uchun bor kuchini berib o'ynamadi deb aytolmaydi”.

“Brendan Rojers bilan ko'p marta gaplashganman va u menga shunday dedi: “Yana bir mavsum qolgin, agar biz Chempionlar Ligasiga chiqolmasak senga so'z beraman shaxsan o'zim ketishinga yordam beraman”.

“Men uchun birinchi navbatda Chempionlar ligasi futboli turadi. Xozirgi paytda APL eng yaxshi liga va men Angliyada muammosiz ko'p yillar qolishim mumkin. Dunyodagi xohlagan o'yinchi bu erda o'ynashni xohlaydi”, - deydi Suares.

Suares shuningdek agar hafta oxirigacha transfer borasidagi vaziyat o'zgarmasa shikoyat qilishi mumkinligini tasdiqladi.

Javlonbek Yusupov tarjimasi

Luis Suares: “Liverpul” vada berganidek qo'yib yuboradi”