- O'yin haqida

- Tinmay yog'ayotgan yomg'irdan kelib chiqsak, qiyin bo'ldi. Bundan tashqari, kuchli shamol ham qiyinchilik tug'dirdi. Umuman olganda, ikki jamoa ham yaxshi o'yin ko'rsatdi deb o'ylayman.

- Ofsayd tufayli inobatga olinmagan gol haqida qanday fikrdasiz?

- Gol urgan futbolchi bilan gaplashganimda u ofsaydda bo'lmaganini takidladi. Bugun VAR yo'qligi pand berdi. Agar tizim bo'lganida barchasiga oydinlik kiritilgan bo'lardi. Menimcha, o'yindan tashqari holat yo'q edi.

- Shohnazar Norbekovning o'yindan oldin chigil yozdi mashg'ulotlar paytida jarohat olishi oldindan o'ylangan rejalaringizni o'zgartirib yubordimi?

- Bu – futbol. Bunaqasi bo'lib turadi. Albatta, uning jarohati rejalaramiz o'zgarishiga olib keldi. Uning o'rniga maydonga tushgan futbolchi chigil yozdi mashqlarda ishtirok etmagani chakki bo'ldi.

- "Metallurg" jamoaga legionerlarni jalb qilmadi. Bu borada nima deya olasiz?

- O'tgan yilgi mavsum yakunida ushbu mavsum uchun rejalar tuzilayotganda asosan, mahalliy futbolchilar bilan to'p tepish vazifasi qo'yilgandi. Bu menga ham maqul yo'l bo'ldi. Klub reja asosida faoliyat olib bormoqda.

- Asosiy jamoaga futbolchilarni jalb qilish maqsadida U-21 jamoasi o'yinlarini kuzatib boryapsizmi?

- Albatta, nafaqat U-21 jamoasi, balki U-19 uchrashuvlarini ham kuzatib boryapman. Vagin va Nematjonov kabi futbolchilarimiz ularning tarkibida maydonga tushishyapti. O'ylaymanki, ular – "Metallurg" kelajagi. Hozirgi kunda klubimiz nafaqat asosiy jamoa, balki "Metallurg" qoshida ochilgan akademiya bilan doimiy tarzda bahamjihat ish olib bormoqda.

Luisma Ernandes : "Bugun VAR yo'qligi pand berdi"