“Manchester Siti” – “Barselona”
“Siti of Manchester” stadioni. 00:45
Bosh hakam: Yonas Eriksson (Shveciya)
Qanot hakamlari: Matias Klasenius (Shveciya) , Daniel Vernmark (Shveciya)
Qo'shimcha hakamlar: Stefan Yuxannesson (Shveciya) , Markus Strembergson (Shveciya)
To'rtinchi hakam: Daniel Gustavsson (Shveciya)
UEFA delegati: Xenk Kesler (Gollandiya)
Hakamlar kuzatuvchisi: Xyu Dallas (Shotlandiya)

Yo'qotishlar: Jeyms Milner (diskvalifikaciya), Serxio Aguero, Mattia Nastasich, Fernandino (jarohat) – Jonatan dos Santos (jarohat)

ECHL 1/8 finalida uchrashuv "Manchester Siti" va "Barselona" klublari o'rtasidagi dastlabki rasmiy o'yin bo'ladi.

• "Siti" safida to'rt nafar ispaniyalik futbolchi bor: Xavi Garsiya, Xesus Navas, Alvaro Negredo va David Silva. Yana to'rtta futbolchi Manchesterga Ispaniya chempionatidan ko'chib o'tgan. Ular orasida 2010 yil Kataloniya klubidan “Siti”ga o'tgan Yaya Ture ham bor. Qo'shimcha ravishda klubda ispan futbolida o'z o'rniga ega bo'lgan Manuel Pellegrini bosh murabbiy ishlamoqda, "Barselona"ning sobiq rahbarlaridan biri Chiki Begiristayn ayni paytda “shaharliklar”ning sport direktori hisoblanadi.

• Pellegrini jamoasi guruh bosqichida 15 ochko oldi, biroq ikkinchi bo'ldi. "Barsa" esa oltita o'yinda 13 ochko bilan birinchi o'rinni oldi.

Oldingi o'yinlar
• Jamoalar o'rtasidagi oltita o'rtoqlik uchrashuvi:
1952 "Barselona" - "Manchester Siti" 5:1
1957 "Barselona" - "Manchester Siti" 3:2
1974 "Barselona" - "Manchester Siti" 3:2
1986 "Barselona" - "Manchester Siti" 1:1 (3:4 penaltilar seriyasi)
2003 "Manchester Siti" - "Barselona" 2:1
2009 "Barselona" - "Manchester Siti" 0:1

• "Manchester Siti" stadioni 2003 yilning 10 avgust kuni "Barsa"ga qarshi o'yin bilan ochilgan. Mezbonlar safida Nikolya Anelka va Trevor Sinkler gol urishgan, kataloniyaliklar safida Xaver Saviola o'zini ko'rsatgandi. Mehmon jamoa tarkibida Karles Puyol, Xavi Ernandes va Andres Iniesta maydonga tushishgandi.

• Manchester klubi "Barselona" bilan 2009 yil o'rtoqlik uchrashuvini o'tkazgan. Martin Petrovning goli britanlarga g'alaba keltirgandi. "Siti"ning hozirgi futbolchilaridan Pablo Sabaleta ushbu uchrashuvda qatnashgan, Yaya Ture esa "Barsa"da harakat qilgan.

To'qnashuvlar tarixi
• "Manchester Siti" ECHL 1/8 finaliga birinchi bor chiqdi, Pellegrini esa 2006 va 2009 yillarda "Vilyareal" bilan 2012 yil "Malaga" bilan chorak finalga qadar etib bora olgan.

• "Barselona" – Evropa chempionlar kubogining to'rt karra sohibi. Kataloniyaliklar ketma-ket ettinchi marta musobaqaning 1/4 finaliga chiqishga urinib ko'radi. O'tgan mavsumda ushbu bosqichda Vilanova shogirdlari "Milan"ga birinchi bahsda 0:2 hisobida yutqazib javob uchrashuvida 4:0 hisobidagi revansh olingan.

• "Siti" evrokuboklar doirasida to'rt bor ispan klublarini qabul qilgan: ikki g'alaba va ikki durang. O'tgan mavsumda inglizlar guruh bosqichida "Real" bilan durang o'ynashgandi. Serxio Agueroning penaltidan urgan goli “shaharliklar”ga durang keltirgandi – 1:1. 2011/12 yilgi mavsumda argentinalik futbolchining goli "Vilyarreal"ni mag'lub etishga xizmat qilgandi – 2:1.

• "Barsa" oxirgi Angliyadagi beshta o'yinda g'olib bo'la olmagan. 2011/12 yilgi mavsumda ECHL yarim finalida "Chelsi"ga 0:1 hisobida mag'lub bo'lgan. Oxirgi marta kataloniyaliklar 2006/07 yilgi mavsumda Angliyadagi uchrashuvni g'alaba bilan tugatgandi. O'sha yili xuddi shu bosqichda "Liverpul" taslim qilingan (1:0). "Enfild"dagi bahsda "blaugranlar" safida Viktor Valdes, Puyol, Xavi, Iniesta va Lionel Messi harakat qilishgandi.

• "Barselona" Angliyada 6 marta g'olib bo'lib 8 marta durang o'ynagan va 14 bor mag'lub bo'lgan.

• "Barsa" Manchester shahrida biron marta ham g'alaba qozonmagan. "Old Trafford"dagi to'rtta bahsda ikki mag'lubiyat va ikki durang qayd etilgan.

Klublar o'rtasidagi aloqalar
• "Siti" sport direktori Begiristayn 2003 -2010 yillarda shu lavozimda "Barselona"da ishlagan. U kataloniyaliklar safida 7 yil futbol o'ynagan. Bu davr mobaynida to'rt karra Ispaniya chempioni, kubok egalari kubogi, UEFA Superkubogi va Evropa chempionlar kubogi-1991/92 g'olibi bo'lgan.

• Yaya Ture "Barselona"da 2007-2010 yillarda o'ynagan. U Ispaniya chempionatining 74ta uchrashuvida to'rtta gol urgan. Afrikalik futbolchi bilan birga jamoa ikki marta mamlakatda tengsiz bo'lgan va 2008/09 yilgi mavsumda Evropa chempionlar ligasini yutgan.

• Aguero Ispaniya chempionatida "Barselona"ga qarshi 2006 -2011 yillarda "Atletiko" safida o'ynagan. Futbolchi Kataloniya klubi bilan 10ta bahsda 5ta to'p kiritgan.

• Xerard Pike "Manchester Yunayted" tarkibida 2004-2008 yillarda faoliyat olib borgan. Himoyachi "qizil iblislar" tarkibida 23 marta maydonga tushgan, biroq "Siti"ga qarshi umuman o'ynamagan.

• Navas Daniel Alves va Adriano bilan birga 2006 yilgi UEFA Superkubogi uchun bahsda "Sevilya" safida "Barselona"ni mag'lub etishgan.

Manchester Siti	Musobaqadagi statistika	Barselona
18	Gollar	16
50	To'pga egalik qilish (%)	63
88	Jami zarbalar	89
50	Aniq zarbalar	61
38	Noaniq zarbalar	28
18	Bloklangan zarbalar	4
3	darvoza ustuniga	0
27	burchak to'plari	46
21	ofsayd	19
16	sariq kartochka	12
	qizil kartochka
86	qoida buzilgan	70
58	raqib qoida buzgan	83
3324	paslar	4812
2531	aniq paslar	4125

Narzulla Saydullaev.

"Manchester Siti" - "Barselona". Prevyu (fotogalereya)