Chempmonship azosi bo'lgan “Uigan Atletik” shijoat va xohish borasida Premer-liganing amaldagi chempionlaridan qolishmagan bo'lsalar-da, saviya bobida oradagi farq yaqqol sezilib qoldi.

Birinchi bo'lim avvalida Ouen Koyl jamoasining bir necha urinishlarining intihosi samarasiz bo'lgani-yu, Yunaytedning o'yindagi raqib darvozasiga ilk aniq zarbasi golga aylangani ham ana o'sha saviyaning vizual namoyishidir. Ettinchi daqiqada chap qanotdan havolatib etkazib berilgan to'pni hammadan balandroq sakragan van Persi darvoza to'riga borib tushishini taminlab berdi – 1:0.

“Qizil iblislar” o'yinni to'liq o'z nazoratlari ostida o'tkazgan bo'lsalar-da raqibda umuman imkoniyat bo'lmadi deyish ham noto'g'ri bo'ladi. Bir necha bor standart vaziyatlardan so'ng “MYU” himoyasi ancha asabiylashishiga to'g'ri keldi. Biroq vaqt o'tib shunday vaziyatlar ham “Uigan” tomonidan namoyish etilmay qo'yildi. Aniqrog'i “MYU” bunga ortiq yo'l qo'ymadi.

Manchesterliklar safida dastlabki daqiqalardan to'p surgan Uilfred Zaxa o'zining individul mahorati bilan ajralib turdi. Biroq uning fintlari soni aniq to'p uzatishlari sonidan ancha kamroq bo'lgani sabab bo'ldi shekilli, ko'p o'tmay uning o'rniga Valensiya maydonga tushdi. Umuman, Kubok uchrashuvlarida futbolchi almashtirish imkoniyati ancha katta bo'lganidan Ouen Koyl ham, Devid Moyes ham deyari barcha futbolchilarni sinab ko'rishga ulgurishdi.

“Manchester Yunayted”ning ikkinchi goli muallifi ham o'tgan mavsumdagi APL to'purari Robin Van Persi bo'ldi. 59-daqiqada Uelbekning to'p uzatishidan so'ng gollandiyalik goleador dubl muallifiga aylandi.

Angliya superkubogi

Uigan - Manchester Yunayted 0:2

Gollar: 0:1 – (6) van Persi, 0:2 – (59) van Persi.

Uigan – Karson, Boys, Barnett, Perch, Kreyni, Uotson (Espinoza, 71), Makartur (Kr. Makkenn, 60), Dj. Makkarti (Diko, 86), Melouni (Jordi Gomes, 71), Makkleyn (K. Makmanaman, 60), Xolt (Fortyune, 60).

Manchester Yunayted – De Xea, Rafael (Smolling, 16), Vidich, Djons, Evra, Kleverli, Kerrik, Uelbek (Kagava, 83), Giggz (Anderson, 67), Zaa (Valensiya, 60), van Persi (Yanuzay, 84).

Ogohlantirishlar: Makartur (50), Espinoza (88), Kleverli (90).

“Manchester Yunayted” - Angliya Superkubogi sohibi