11 daqiqada Jo'raevning chap qanotdan oshirib bergani to'pini Aliev boshi bilan darvozaga aniq yo'lladi. 24 daqiqaga kelib Jamshid Xasanov hisobni tenglashtirdi. Ikkinchi bo'limning boshidanoq hujumkor o'yin ko'rsatgan maydon egalari 48 daqiqada yana hisobda oldinga o'tib oldi. Shundan so'ng hakamga etiroz bildirgani uchun Bahodir Murtozaev maydondan chetlashtirildi. Shunga qaramay bosimni oshirgan vakillarimiz 80 daqiqada Dostonovning golidan so'ng muvozanat tenglashdi. G'alabani maqsad qilib maydonga tushgan mehmonlar bosimdan foydalanib mezbonlarni xato qilishga erishdi va avtogol qayd etildi. Uchrashuvning so'nggi daqiqasida Iskandar Shayqulovning qo'liga to'p tegdi deb topgan hakam ikkilanmay penalti belgiladi va hisob tenglashdi.

Uchrashuvda boshqa hisob o'zgarmadi va "Mashal" yoshlari safarda so'nggi soniyalarda ikki ochkoni yo'qotdi.

Ushbu durangdan so'ng yoshlarimiz jamg'argan ochkolar soni 53 taga etdi va peshqadamlikni saqlab qoldi. "Mashal"dan keyingi pog'onada borayotgan "Neftchi" yoshlari hisobida 49 ochko bor.

"Mashal" yoshlari keyingi ikki turdan bittasida g'alaba qozongan taqdirda ham "kichik" oltin medallarga ega bo'ladi.

Eslatib o'tamiz, "Mashal" yoshlari keyingi turni o'z maydonida "Nasaf" yoshlariga qarshi, so'nggi turni esa safarda "Metallurg" yoshlariga qarshi o'tkazadi.

Yoshlar ligasi. 24-tur

"Navbahor" - "Mashal" 3:3

Gollar: Azam Aliev 11, 48, Doniyor Inomov 90+2 penalti - Jamshid Hasanov 24, Shoxrux Dostonov 80, Hojiakbar Yunusov 83 avtogol

"Navbahor": 12. Islom Jo'raev (24. Doniyor Usmonov, 56), 3. Aziz Turg'unboev (10. Doniyor Inamov, 58), 4. Omon-Biik Halilov (2. Axad Turg'unpo'latov, 78), 6. Sanjar Toshpo'latov, 7. Sardor Telyakov (84. Sohib Bogtirhanov, 84), 8. Bilol Sharofiddinov ( 9. Vladasilav Pavlovskiy, 70), 15. Botir To'raboev, 20. G'ayrat Jo'raev (16 Dilmurod Malikov, 55), 21. Azam Aliev, 23. Abdumalik Abdullaev (5. Akbar Sattaev, 46), 25. Hojiakbar Yunusov.

"Mashal": 35. Javohir Ilyasov, 15. Iskandar Shoyqulov, 27. Abbos Shodmonov (43. Uyg'un Bobonazarov, 68), 28. Sirojiddin Rahmatullaev, 29. Baxodir Murtazoev, 32. Sirojiddin Allaev, 36. Ixtiyor Toshpo'latov (31. Shohjaxon Abbosov, 77), 27. Maruf Toshev (4. Yunus Ochildiev, 71), 40. Jamshid Hasanov (47. Maradona Saxarov, 46), 48. Shoxrux Dostonov, 49. Shahzod Shaymanov.

Chetlatish: Bahodir Murtazoev 49

"Mashal": Yoshlar ligasida chempionlik uchun bir qadam qoldi !