31 ёшли футболчи ёзда Италиянинг "Комо" клуби билан шартнома имзолаган ва Италия Кубоги доирасидаги "Сампдория"га қарши ўйинда тиззасидан жароҳат олганди.

"Фаолиятимда кўп қийинчиликларга дуч келдим, деярли барчаси имконсиз вазиятдек туюлди. Ажабланарли ҳис-туйғулар, воқеалар ва хотиралар умр бўйи қолади. Шу лаҳзалар ҳақида ўйлар эканман, барчамиз яхши кўрадиган ўйинни тарк этаётганимни катта ғурур ва мамнуният билан эълон қилмоқчиман.
Мен ҳеч нарсадан афсусланмайман, ҳеч нарсани ўзгартирмасдим. Мен орзу қилганимдан ҳам кўпроғига эришдим, аммо совринлар ва ютуқларни бир четга суриб, ўз принципларимга хиёнат қилмаганимдан фахрланаман", – деби ёзди Варан ижтимоий тармоқлардаги саҳифасида.

Варан "Ланс", "Реал" ва "Манчестер Юнайтед" жамоаларида ўйнаган. Франциялик футболчи тўрт карра Чемпионлар Лигаси ғолиби ва уч карра Испания чемпиони ҳисобланади. Умуман олганда, Варан клублар миқёсидаги фаолиятида 20 та совринга эга. Терма жамоа либосида 93 ўйин ўтказиб, Жаҳон чемпионати ва Миллатлар Лигасида ғолиб чиққан.

"Мен орзу қилганимдан ҳам кўпроғига эришдим". Варан футбол билан таъсирли хайрлашди