"Яхши ўйин бўлди. Ғалабадан хурсандман. Биринчи бўлимда тактик жиҳатда яхши ўйнадик. Рақибга имкон қолдирмадик. Бугунги ғалаба биз учун жуда муҳим бўлди", - дейди Лаудруп.

- "Бунёдкор" жамоасининг бунчалик кучсиз ўйин кўрсатишини кутганмидингиз?

- Биринчи бўлимда рақиб мен кутганимдек яхши ўйнади. Ҳужум қилишга уринди. "Бунёдкор" кучсиз ўйнамади.

- Нима учун "Бунёдкор" ҳимояда хатога йўл қўйганида қарши ҳужумлардан сўнг иккинчи голни уришга уринмадинглар. Сизларда бундай имкониятлар бўлганди.

- Биз ҳужум қилишга уриндик. Таркибимизда жароҳат олганлар кўп. Бугун ҳам сардоримиз жароҳат олди.

- Фикрингизча "Бунёдкор" жуда ҳам қўпол ўйин намойииш этмадими?

- Рақиб биринчи бўлимда кутилганидек яхши ўйнади. Иккинчи бўлимда эса улар шошишди ва кўп хатога йўл қўйишди. Ўтган сафар "Персеполис"га қарши ўйин каби кўп ҳужум қилди. Кетма-кет уйдаги ўйинда ютқазиб қўйди.

- Кеча сиз "Бунёдкор" Россия клубларига ўхшайди деган эдингиз. Бугунги ўйиндан кейин ҳам фикрингиз ўзгармадими?

- Рақиб жисмонан кучли жамоа ҳисобланади. Ҳар қандай ҳолатда "Бунёдкор"ни ҳурмат қиламан.

- "Бунёдкор" гуруҳдан чиқиш имкониятини йўқотди деб ўйлайсизми?

- Йўқ, ҳали олдинда 3та ўйин бор. Ўша ўйинларда ғолиб бўлишса гуруҳдан чиқишади.

Нарзулла Сайдуллаев

Михаил Лаудруп: "Бугун жуда муҳим ғалабага эришдик"