Қуръа маросимида ташкилотчилар ўтган мавсумнинг энг яхши футболчисини тақдирлади. "Реал" ва Хорватия терма жамоаси ярим ҳимоячиси Лука Модрич журналистлар овозлари эвазига ғолиб бўлди. Ушбу тадбирда championat.asia сайти журналисти Мирон Гойхманн ҳам аккредитациядан ўтиб иштирок этди.

УЕФА тақдирлаш маросимидан сўнг журналистлар учун махсус матбуот анжумани ташкил этди. унда Лука Модрич қатнашди.

"Ушбу совринни олганимдан фахрланаман ва жуда хурсандман. Совринга эга чиқаман деб ўйламагандим, шу боис ҳақиқатдан ҳам бахтлиман. Бунинг учун жамоадошларимга, мураббийларим ва оиламга раҳмат айтаман. Менга овоз берганларга ҳам раҳмат", - дейди Модрич.

- Сизнинг фаолиятингиз ёшларга ўрнак бўла оладими?
- Ўзим ҳақимда гапиришни ёмон кўраман. Бошқалар менга баҳо берганлари маъқул. Агар кимдир менинг фолиятимга шундай юқори берса бундан жуда ҳам хурсандман.

- Роналду кетгач сизга кўпроқ масъулият юкланадими?
- Аслида Роналду жамоада бўлганида ҳам менда катта масъулият бор эди. Ҳозир ҳам шундай қолаверади.

- Трансфер бозори вақтида сизнинг бошқа клубга ўтишингиз ҳақида кўплаб хабарлар чиқди.
- Бутун умр "Реал"да ўйнашни орзу қилганман. Шу клубда эканлигимдан фахрланаман. Ўйлашимча бундан кейин ҳам "Реал"да ўйнашда давом этаман.

Мирон Гойхманн Монакодан махсус

Монакодан махсус мухбиримиз хабар қилади. Лука Модрич: "Реал"да ўйнашни бутун умр орзу қилганман"