Marosimda viloyatimizda faoliyat yuritayotgan OAV vakillari, futbol ishqibozlari ishitirok etishdi. Taqdimot marosimida 2015 yilda jamoa jamoa bilan shartnoma imzolagan sloveniyalik Rok Roy, ukrainalik hujumchi Oleksandr Koblash va o'tgan mavsumda “Andijon” klubi sharafini himoya qilgan yarim himoyachi Bahrom Abdurahimov marosim ishtirokchilariga tanishtirildi.

Marosimda klub bosh menedjeri Shamil Yarulin, jamoa bosh murabbiyi Ro'ziqul Berdievlar ham ishtirok etishdi.

Shamil YARULIN: – Bu erda hozir bo'lgan barcha mehmonlarni shuningdek OAV xodimlarini yangi futbol mavsumi boshlanayotgani bilan samimiy tabriklayman. Shuni alohida takidlab o'tishni hohlardimki, “Nasaf” jamoasi mamlakatimizda barqaror faoliyat yuritayotgan jamoalardan hisoblanadi. Shundan kelib chiqib, qisqacha aytsam, har doimgidek bizning klub faqat yuqori maqsadlar uchun kurash olib boradi. Bizning kollektivimizda ko'p gapirmasdan, ko'p ish qilishni yoqtiradigan insonlar mehnat qilishadi.

Ro'ziqul BERDIEV: – Bu yilga mavsumga tayyorgarliklar ko'ngildagidek o'tdi. Turkiyaning Antaliya shahrida uch haftalik yig'in o'tkazdik va bir qancha nazorat uchrashuvlari o'tkazdik, bu haqda xabarlaringiz bor. Tarkibimizda unchalik katta o'zgarish bo'lmadi. Jamoamizni tark etganlar haqida ham bilasiz, bu yildan safimizda yonimda o'tirgan yangi futbolchilar ham jamoamizda faoliyat yuritishadi. Bu futbolchilarni yaxshilab o'rganib, safimizga qo'shib oldik. Bu bilan jamoamiz juda kuchli o'yinchilarga ega bo'ldi deyolmayman, ammo biz safimizda kemtik joylarimizni to'ldirdik. O'zlaringizga malum har qanday kuchli futbolchi yangi jamoa o'zini darrov ko'rsata olmaydi, albatta bunga vaqt kerak. Umid qilaman safimizga qo'shilgan yangi futbolchilar ishonchimizni oqlashadi.

Shundan so'ng o'yinchilarga raqamlari aks ettirilgan futbolkalar topshirildi. Yarim himoya chizig'ida harakat qiladigan Bahrom Abdurahimovga 18-raqamli futbolka, ukrainalik hujumchi Oleksandr Kablashga 99-raqamdagi futbolka, sloveniyalik himoyachi Rok Royga 15-raqamdagi futbolkalar tanatanali ravishda topshirildi.

Marosimning keyingi qismida yangi futbolchilarga so'z berildi va ular bilan savol-javoblar bo'ldi.

“Nasaf” tanishtiruv marosimini o'tkazdi FOTO