Учрашувнинг биринчи бўлимида дарвозалар даҳлсизлиги сақлаб қолинди. Иккинчи бўлимда Дубайликлар “Шаржа” жамоаси дарвозасини икки марта ишғол қилишди. Учрашувдаги дастлабки голни яқинда “Ал-Аҳли” жамоаси сафига қўшилган бразилиялик легионер Эвертон Рибейро иккинчи бўлимда майдонга тушди ва 72-дақиқада гол киритди. Иккинчи голни 16-рақамдаги ўйинчи Карлос Муниос 90-дақиқада киритди.

Шундай қилиб, “Ал-Аҳли” ўз майдонида муҳим ғалабани қўлга киритди ва БАА Пролигаси турнир жадвалини 6-поғонасидан 5-поғонасига кўтарилиб олди.

БАА Пролигаси 14-тур

“Ал-Аҳли” – “Шаржа” 2:0
Гол: Эвертон Рибейро 72-1:0, Карлос Муниос 90-2:0.

“Ал-Аҳли”: 55.Мажид Носир, 2.Салмон Хамис, 4.Хабиб Ал Фардан (Эвертон Рибейро 60), 5.Волид Аббос (Муҳаммад Обеид 90+2), 7.Исмоил Ал Хамади, 10.Луис Хименес, 14.Усамо Ас Саиди (Хумаид Аббос 88), 16.Карлос Муниос, 28.Ийсо Санто, 62.Абдулазиз Санқур, 88.Мажид Ҳасан.

Заҳирадагилар: 22.Ахмад Муборак Хамад, 8.Эвертон Рибейро, 20.Саид Ахмад, 57.Муҳаммад Обеид, 70.Волид Ҳусаин, 80.Хумаид Аббос, 92.Саид Жассим Солиҳ.

Огоҳлантириш: Волид Аббос 30.

“Ал-Аҳли” навбатдаги 15-турда ҳамюртимиз Азиз Ҳайдаров тўп сураётган “Ал-Шабаб” жамоаси меҳмони бўлади. Ўйин 8 февраль куни ўтказилади.

“Насаф”нинг ОЧЛдаги рақиби “Ал-Аҳли” навбатдаги ғалабани қўлга киритди