Ҳар куни икки махалдан машғулотлар ўтказилмоқда. Олимпия терма жамоаси бугундан йиғинларни бошлагани боис жамоамиз бош мураббийи Бахтиёр Ашурматов ҳозирда Тошкентда. Машғулот жараёнини эса Ислом Аҳмедов, Зохид Нурматов ҳамда Мустафо Байрамовлар олиб боришмоқда. Бугунги машғулотда футболчилар дастлаб тўп билан муомила қилиш, ҳужум уюштириш ва ҳимояланиш бўйича машқ ўтказишди. Сўнгра таркиб иккига бўлинган ҳолда ўзаро куч синашди. "Қизиллар" ва "сариқлар" ўртасидаги беллашув дуранг натижа (2:2) билан якун топди. Сариқ екипировкали жамоа голларига А. Турғунбоев ва О. Валижонов (пен.) муаллифлик қилган бўлишса, "қизиллар"дан С. Шихов дубль билан жавоб қайтарди. Жамоалар таркиби қуйидагича кўринишга эга бўлди:

"Қизиллар": Александр Меленчук, Бобир Акбаров, Юрий Рижко, Раҳматулло Бердимуродов, Алишер Саматов, Дилшод Жабборов, Сергей Георгиев, Азим Аҳмедов, Санъат Шихов, Мўйдин Мамазулунов, Улуғбек Бақоев.

"Сариқлар": Хуршид Хўжаев, Омон-Биик Ҳалилов, Тимур Кагиров, Ботир Тўрабоев (Сардор Теляков), Тоҳир Шамситдинов, Отабек Валижонов, Ҳожиакбар Юнусов, Илҳом Бойдедаев, Муҳаммад Расулов, Суннатилла Мамадалиев, Алишер Маҳмудов, Азиз Турғунбоев. Кичик жарохати бор ярим ҳимоячилар Ғайрат Жўраев ҳамда Азамат Бобожоновлар эса якка тартибда шуғулланишди. Машғулот пайтида ҳимоячи Ботир Тўрабоевнинг ҳам оёғи бироз шикастланганини эътироф этиш лозим. Машғулотдан олинган фотосуратларни бироздан сўнг сайтга жойланади.

"Навбаҳор": Тайёргарлик давом этмоқда