“Neftchi” FK Ermatov va Rasulovni tabriklaydi

25 iyul kuni Toshkentdagi Olimpiya shon-shuhrati muzeyida 2014 yilgi jahon chempionati bahslarida hakamlik qilgan FIFA referisi Ravshan Ermatov va FIFA referisi assistenti Abduhamidullo Rasulovni taqdirlash marosimi bo'lib o'tdi.

Unda FIFA referisi Ravshan Ermatov O'zbekiston Respublikasi Prezidenti Islom Karimov farmoniga muvofiq El-yurt hurmati ordeni bilan taqdirlandi.

Shuningdek O'zbekiston futbol federaciyasi ham taniqli hakamimizni O'zbekiston Futbol Federaciyasi faxriy nishoni bilan ham taqdirladi.

Undan tashqari yaqinda Braziliya maydonlarida o'tgan jahon chempionati o'yinlarida Ermatovga yaqindan yordam bergan Abduhamidullo Rasulov ham "ORLANDO" avtomashinasi bilan, Ermatov esa "MALIBU" rusumli avtomashina bilan taqdirlandi.

Shu munosabat bilan “Neftchi” futbol klubi ham ushbu hakamlarimizni mazkur yutuqlari bilan muborakbod etadi.

Qolaversa bu yil ikkinchi bor mundialda ishtirok etib, jahon chempionatidagi o'yinlarni boshqarish borasida dunyo bo'yicha rekord qayd etgani bilan ham Ravshan Sayfitdinovichni tabriklaymiz.

Bu bilan hakamlarimiz mamlakatimizni butun dunyoga yanada tanitdi!

Ularning kelgusi faoliyatiga omadlar yor bo'lishini tilab qolamiz!

"Navbahor": Unvonlar muborak!

Braziliyada bo'lib o'tgan jahon chempionatida uchrashuvlarni boshqarish bo'yicha rekord o'rnatgan hamyurtimiz Ravshan Ermatovni jahon futbolida o'ziga xos o'ringa ega bo'ldi. Yurtdoshimizning mundialdagi ishtiroki munosib tarzda rag'batlantirildi. Xususan, Ermatov O'zbekiston Respublikasi Prezidenti Islom Karimov farmoniga binoan "El-yurt hurmati" ordeni hamda O'zbekiston futbol federaciyasining faxriy nishoni bilan taqdirlandi. Ushbu mukofotlar bilan Ravshan Ermatovni klubimiz azolari nomidan tabriklaymiz. O'z navbatida hamyurtimizning kelgusi ishlarida doimo omad va muvaffaqiyat tilab qolamiz.

"Navbahor" va "Neftchi" Ravshan Ermatovni tabriklaydi