Bu o'yin har ikki jamoa vakillari uchun O'zbekiston XXIV milliy chempionati oldidan oxirgi nazorat uchrashuvi vazifasini o'tab berdi.

Shiddatli va keskin bahslarga boy kechgan bahsni oliy toifadagi hakam Rustam Bobomurodov (Navoiy) boshqarib borgan bo'lsa, laynsmenlar Obid Jumaev hamda Ruslan Samandarovlar unga ko'maklashdi.

Uchrashuvda har ikki jamoa bosh murabbiylari ham eng sara tarkibni maydonga tushirganligi diqqatga molikdir. O'yinni ob-havo bir muncha salqin bo'lishiga qaramasdan olti mingdan ziyod muxlis stadionning o'zidan turib kuzatishdi.

Ilk daqiqalardan boshlab tashabbusni o'z qo'liga olgan navoiyliklar maydonda o'z ustunliklarini namoyish etdi. 25-daqiqada ukrainalik hujumchi Vyacheslav Shevchenko hisobni ochgan bo'lsa, oradan besh daqiqa o'tgach, Bahriddin Vahobov hisobni 2:0 ko'rinishga keltirdi.

Tanaffusdan so'ng, buxoroliklar imkon bo'ldi deguncha hujumkorlikka zo'r berishdi. Bu 57-daqiqada o'z samarasini berdi. “Buxoro” yarim himoyachisi Evgeniy Kochnev o'rtadagi farqni qisqartirishga muvaffaq bo'ldi. Uchrashuvning qolgan daqiqalarida har ikki jamoa azolari hujumkorlikni oshirgan bo'lishlariga qaramay, hisob boshqa o'zgarmay qoldi - 2:1.

O'yin fotogalereyasi

HAKAMLAR HUJJATIDAN KO'CHIRMA:

O'rtoqlik uchrashuvi.
2015 yil 8 mart
"Qizilqum" (Navoiy) - "Buxoro" (Buxoro) - 2:1 (2:0).
Qiziltepa. "Do'stlik" stadioni.
Hakamlar: Rustam Bobomurodov, Obid Jumaev, Ruslan Samandarov.
Gollar: Vyacheslav Shevchenko (25), Bahriddin Vahobov (30) - Evgeniy Kochnev (57).
"Qizilqum": Erkin Jabborov, Akmal Rustamov, Fayzulla Qambarov, Azizbek Usmonov, Georgiy Kvesieshvili, Alisher Sanoev, G'ayrat Jumaev, Andrey Derkach, Sherali Jo'raev, Vyacheslav Shevchenko, Bahriddin Vahobov.
Zaxiradan maydonga tushganlar: Artyom Makosin, Jamshid Shohnazarov, Sarvarjon Xolmatov, Asqarjon Muhiddinov, Feruz Boboqulov, Farruh Haydarov, Ruslan Sanaev.
"Buxoro": Farrux Turdialiev, Azamat Sharipov, Saidkomil Akbarov, Otabek Narzullaev, Jamoliddin Ubaydullaev, Vitaliy Plamadeila, Dilyaver Abibullaev, Suhrob Nematov, Islom Xoliqov, Alibobo Rahmatullaev, Otabek Isroilov.
Zaxiradan maydonga tushganlar: Aleksandr Korneychuk, Evgeniy Kochnev, Akobir To'raev, Ravshan Aslonov, Jamshid Hasanov, Temur Turdiev, Vyacheslav Ponomaryov.

Eslatib o'tamiz, "Qizilqum" futbolchilari O'zbekiston XXIV milliy chempionati dastlabki turida Jizzaxning "So'g'diyona" jamoasi bilan kuch sinashadi. Ushbu o'yin 14 mart kuni Navoiydagi "Yoshlar" sport majmuasi yashil maydonida o'tkaziladi. Uchrashuv soat 17.00 da boshlanadi.

Nazorat uchrashuvi. "Qizilqum" - "Buxoro" - 2:1