Ushbu klub haqidagi asosiy malumotlarni sizlarga taqdim etishga qaror qildik.

"Al Jayish" klubi 2007 yilda tashkil etilgan. Klub Doxadagi 12000 tomoshabinga mo'ljallangan "Qatar SK" stadionida o'z o'yinlarini o'tkazadi. "Al Jayish"ni ruminiyalik murabbiy Rezvan Luchesku boshqarmoqda.

Jamoa Qatar yulduzlar ligasida uchinchi mavsumni o'tkazmoqda. Debyut mavsumda kumush medallariga ega bo'lgan, o'tgan mavsumda esa uchinchi o'rinni egalladi. O'tgan mavsum shuningdek Qatar yulduzlar kubogi qo'lga kiritildi.

"Al Jayish" o'tgan mavsum OCHLda birinchi bor ishtirok etdi. "Al Shabab" (Saudiya Arabistoni), "Traktor Sozi" (Eron) va "Al Jazira" (BAA) klublari bilan bir guruhdan o'rin olgan klub 11 ochko to'plab "Al Shabab"dan keyingi o'rinni egallab 1/8 finalga yo'llanma olgandi. Bu bosqichda "Al Ahli" (Saudiya Arabistoni) ikki o'yin natijasiga ko'ra 3:1 hisobida "Al Jayish" ustidan zafar quchgandi.

"Ajadarlar" raqibi bu mavsumda 10ta turdan so'ng 24 ochko bilan Qatar yulduzlar ligasida peshqadam bo'lib turibdi. Jamoa 7ta o'yinda g'alaba qozongan va 3ta o'yinda durang o'ynagan. Tushunarliki mag'lubiyat yo'q. Qatar yulduzlar ligasining bu yilgi musobaqa jadvali bilan saytimizdagi maxsus bo'limda tanishib olish mumkin.

Jamoa safidagi legionerlar bilan tanishing: Ivanildo (Braziliya), Anderson Martins (Braziliya), Vagner Ribeyro (Braziliya), Seul Ki Go (Janubiy Koreya), Kalu Uche (Nigeriya), Kembo Ekoko (Franciya), Diogo Sodre (Braziliya), Ahmad Xadid (Ummon), Muhammad Matnani (Tunis), Rami Fayoz (Iordaniya).

"Al Jayish" Qatar yulduzlar ligasidagi so'nggi o'yinni 29 noyabr kuni o'z uyida "Al Garafa"ga qarshi o'tkazib 2:1 hisobida g'alaba qozongandi. "Jayish" safida Vagner Ribeyro dublga erishgandi. Klub keyingi o'yinni 6 dekabr kuni "Al Ahli"ga qarshi o'tkazadi.

Qatar yulduzlar ligasi 2013/2014 musobaqa jadvali.

Narzulla Saydullaev tayyorladi.

OCHL-2014 pley-offi. "Nasaf"ning raqibi "Al Jayish" haqida