Профессионал мураббийлик курслари 2013 йилнинг 18 ноябридан 2014 йилнинг 14 апрелигача ўтказилади. Мазкур курсларда Германия миллий терма жамоаси бош мураббийига 10 йил давомида ассистентлик қилган, шунингдек Али Даеи бош мураббийлигидаги Эрон миллий терма жамоасида ёрдамчи мураббий сифатида фаолият олиб борган германиялик таниқли мутахассис инструкторлик қилади. Жисмоний тайёргарлик бўйича курсларга эса, Буюк Британиялик таниқли мутахассис Гари Филлипс инструкторлик қилади.

Ҳозирги кунга келиб, ушбу мураббийлик курсларида таҳсил олиш учун Ўзбекистондан ташқари Сербия, Покистон, Сингапур каби бошқа ҳорижий мамлакатлардан мутахассислар ташриф буюриши кутилмоқда. Аммо, айни пайтда Ўзбекистон Футбол Федерацияси мураббийлик курсларини фақатгина маҳаллий мураббийлар учун ташкил этишни мақсад қилган.

Таъкидлаш жоиз, ЎФФ ҳозирда мазкур курсларда таҳсил олишни истаган ўзбекистонлик мураббийларни рўйхатдан ўтказиш жараёни бошланганини маълум қилади.

Ўтказиладиган курс босқичлари:
Модуль 1 - 18 ноябрь - 8 декабрь.
Модуль 2 - 9 декабрь - 29 декабрь.
Модуль 3 - 3 - 23 январь.
Модуль 4 - 27 январь - 14 апрель.

Диссертация ҳимояси 14 апрель.

ЎФФ қошида профессионал мураббийлик курслари ташкил этилади