2014 йили Таиландда бўлиб ўтадиган U-16 Осиё чемпионати саралаш баҳслари «В» гуруҳи ўйинларига Тошкент шаҳри мезбонлик қилиши ҳақида хабар берган эдик. Тошкентдаги саралаш баҳсларида Ўзбекистон U-16 ўсмирлар терма жамоаси Фаластин, Яман ҳамда Мальдив ороллари терма жамоаларига қарши баҳс олиб бориши керак эди. Аммо, Мальдив ороллари Футбол Уюшмаси мамлакат ўсмирлар терма жамоасининг ушбу саралаш баҳсларида иштирок эта олмаслигини билдирди.

Саралаш баҳсларида Мальдив ороллари ўсмирлар терма жамоаси иштирок этмаслигини ОФК расман тасдиқлади ва мусобақа тақвимига ўзгартириш киритди.

Эслатиб ўтамиз, U-16 ОЧ-2014 саралаши «В» гуруҳи ўйинлари 25-29 сентябрь кунлари Тошкент шаҳрида ўтказилади. Ўйинлар Тошкентдаги «ЖАР» cтадионида бўлиб ўтади. Хабарингиз бор, U-16 ўсмирлар ўртасидаги ОЧ-2014 саралаш баҳсларида Темур Олимхўжаев қўл остидаги 1998 ва ундан кейинги йилларда туғилган футболчилардан иборат Ўзбекистон ўсмирлар терма жамоаси иштирок этади.

U-16 ўсмирлар ўртасидаги ОЧ-2014 саралаши.
«В» Гуруҳи. Тошкент. «ЖАР» стадиони. 25-29 сентябрь.

25 сентябрь.
Яман (U-16) - Фаластин (U-16)

27 сентябрь.
Ўзбекистон (U-16) - Фаластин (U-16)

29 сентябрь.
Ўзбекистон (U-16) - Яман (U-16)

ОФК U-16 ОЧ саралаш баҳсларида Мальдив ороллари иштирок этмайди