Chempionatimizning 3-turida kiritilgan gollar soni o'tgan safargiga nisbatan pasaydi. Ushbu turda sensaciya deyarli qayd etilmadi. Birgina kutilmagan natija bu "Bunyodkor"ning o'z maydonida "Olmaliq" bilan qayd etgan durangi bo'ldi. "Olmaliq" o'z oldiga asta-sekin maqsadlar qo'yishni boshlamoqda va kuchli jamoa bo'lib shakllanmoqda. Demak 3-turda katta sensaciyalar qayd etilmadi. Chempionatning ilk yirik g'alabasi 3-turga kelib sodir bo'ldi. Qarshining "Nasaf" jamoasi o'z maydonida "Buxoro"ga javobsiz uchta to'p yo'lladi.

Oliy liga, 3-tur statistikasi va faktlari:

Kiritilgan gollar: 14

G'alabalar: 5

Mezbon jamoa g'alabasi: 2

Mehmon jamoa g'alabasi: 3

Durang: 2

Eng qo'pol o'yin: "Navbahor" - "Neftchi" 1:1 (7 ta ogohlantirish va 1 ta qizil)

Eng tartibli o'yin: "Metallurg" - "Lokomotiv" 0:1 (4 ta ogohlantirish)

Eng qo'pol jamoa: "Paxtakor" (4 ta ogohlantirish)

Eng tartibli jamoa: "Nasaf" (ogohlantirishlarsiz)

Tomoshabop o'yin: "So'g'diyona" - "Dinamo" 1:3

Zerikarli o'yin: "Metallurg" - "Lokomotiv" 0:1

Eng ko'p tashrif buyurgan ishqibozlar: "Navbahor" - "Neftchi" 1:1 (12579 tomoshabin)

Eng kam tashrif buyurgan muxlislar: "Bunyodkor" - "Olmaliq" 1:1 (1425 tomoshabin)

Tomoshabinlar tashrifi jami: 41971 tomoshabin

O'rtacha tomoshabinlar tashrifi har bir o'yinga: 5995 tomoshabin

Turning kutilmagan natijasi: "Bunyodkor" - "Olmaliq" 1:1

Ogohlantirishlar soni: 38

Chetlatishlar: 2

Chempionatdagi ilk chetlatish 3-turga kelib sodir bo'ldi. "So'g'diyona" futbolchisi Elyor Oripov mavsumdagi ilk qizil kartochkani oldi. Ushbu turda ketma-ket ikkinchi chetlatishga ham guvoh bo'ldik. "Vodiy derbisi"dagi bahsda Baxtiyor Yoqubov ham hakam tomonidan chetlatildi. "Andijon" jamoasi uch turdan buyon raqib darvozasiga yo'l topa olmayapti. Chempionatda faqatgina "Andijon" gol urmay kelmoqda. O'tgan turga nisbatan muxlislar tashrifi oshdi. Bu borada "vodiy derbi"si va Andijondagi bahsning xizmatlari yuqori. Yana bir qiziq jihati shuki, "Lokomotiv" jamoasi ikkinchi g'alabani yana safarda qayd etdi va yana Ivan Nagaevning kiritgan yagona goli ularga muhim uch ochkoni taqdim etdi.

Ushbu turda jami kiritilgan 14 ta golning atiga to'rttasini hujumchilar, sakkiztasini yarim himoyachilar va ikkitasini himoyachilar kiritishdi.

Shahboz Beg'amov

Oliy liga, 3-tur. Statistika va faktlar