O'quvchilarimizga yakunlangan tur statistikasini havola qilamiz. Turning 7ta uchrashuvida darvozalarga 11ta gol urildi. Har bir o'yinga o'rtacha 1,57tadan gol to'g'ri keladi.

4-turdagi 7ta uchrashuvning 3tasida mezbon jamoa zafar quchdi.
“Buxoro” - “Metallurg” – 2:1.
“Navbahor” - “Nasaf” – 1:0.
“Lokomotiv” - “So'g'diyona” – 3:1.

Bu turda ikkita durang qayd etildi.
"Olmaliq" - "Andijon" – 0:0.
“Neftchi” – “Qizilqum” – 0:0.

Safardan 2 jamoa g'alaba bilan qaytdi.
“Mashal” - “Paxtakor” – 0:1.
“Dinamo” - “Bunyodkor” – 0:2.

4-turda bitta penalti belgilandi. “Metallurg” vakili Alisher Ziyovuddinov “Buxoro”ga qarshi o'yinda 11 metrli jarima to'pidan so'ng gol ura olmadi.

Turning 7ta uchrashuvida hakamlar tomonidan 29ta sariq kartochka ko'rsatildi. Bu har bir o'yinda 4,14tadan sariq kartochka ko'rsatildi deganidir. “Neftchi” – “Qizilqum” uchrashuvida eng ko'p ogohlantirish ko'satildi – 10ta. “Mashal” – “Paxtakor” uchrashuvida hakam ikki marta sariq kartochka ko'rsatdi.

Ushbu turda yirik va irodali g'alabali hisoblar qayd etilmadi. Bu turga qadar bir bor yirik g'alaba kuzatilgan bo'lsa, jamoalar ikki bor irodali g'alabaga erishishgandi. To'rtinchi turda hech kim bir futbolchi dubl va xet-trikka erishmadi.

4-turning 7ta uchrashuvini kuzatish uchun stadionlarga jami 45476 nafar tomoshabin tashrif buyurdi. Bu har bir o'yinga o'rta hisobda 6497 nafar tomoshabin keldi deganidir. Turning eng ko'p tomoshabini “Dinamo” – “Bunyodkor” uchrashuviga keldi – 13154. Eng kam tomoshabin esa “Lokomotiv” – “So'g'diyona” bahsiga tashrif buyurgan. Ushbu o'yinni ko'rish uchun “Lokomotiv” stadioniga 2010 nafar tomoshabin keldi.

4-tur	Ko'rsatkich	2014 yil
7	O'yin	28
11 (1,57)	Gol (o'rtacha)	57 (2,04)
3 (42,86%)	Mezbon g'alabasi	12(42,86%)
2 (28,57%)	Durang	6 (21,43%)
2 (28,57%)	Mehmon g'alabasi	10 (35,71%)
1	Penalti belgilandi	7
0 (0%)	Penalti amalga oshirildi	4 (57,14%)
29 (4,14)	Ogohlantirish (o'rtacha)	118 (4,21)
1 (0,14)	Chetlatish (o'rtacha)	3 (0,11)
0	Yirik g'alaba	1
0	Irodali g'alaba	2
0	Dubl	1
0	Xet-trik	0
45476 (6497)	Tomoshabin (o'rtacha)	173289 (6189)

Narzulla Saydullaev

Oliy liga 4-tur statistikasi