Uchrashuv avvalida Jodino shahri muxlislari to'rt yarim mavsum "Torpedo-BELAZ" bosh murabbiyi bo'lgan Igor Kriushenko bilan xayrlashishdi. Jamoa rahbariyati hamda homiylar Igor Nikolaevichning Belorussiya terma jamoasidagi faoliyatga omad tilashdi va qimmatbaho sovg'alarni taqdim etishdi.

O'yin ancha qizg'in va kurashlarga boy tarzda o'tdi. Garchi darvozani ishg'ol etish hech bir jamoaga nasib etmagan bo'lsada, stadionga to'plangan muxlislar tomoshabop o'yin guvohi bo'lishdi. O'yinning 60-daqiqasida bosh hakam ikki futbolchini maydondan chetlatdi. Jamoamizdan Dilshod Jo'raev, mezbonlardan Egor Zubovich o'zaro qo'pol o'yin namoyish etganligi sabab maydonni erta tark etdi.

Ertaga jamoamiz Minsk o'quv-mashg'ulot yig'inidan o'rin olgan so'nggi nazorat uchrashuvini o'tkazadi. Jamoamizga Belorussiya chempionatida 12-pog'onada borayotgan "Krumkachi" sparring raqib vazifasini o'taydi.

"Olmaliq": "Torpedo-Belaz" bilan durang