Mehmonda “Istiqlol” mehmoni bo'lgan "Oq-tepa" yirik hisobda g'alaba nashidasini surdi. Maruf Ahmadjonovning dubli va Nikita Pavlenkoning ajoyib goli maydon egalarining mag'lubiyatiga etarli bo'ldi. Hisob 9-daqiqadayoq ochildi. Ahmadjonov bir urinishda himoyachini xato qilishga majbur qildi va jarima maydoni ichiga kirib borib, Xoldorov darvozasini nishonga oldi – 0:1. 24-daqiqada Pavlenko o'ng qanotda jarima maydoni atrofida chiroyli zarbasi bilan hisobni 0:2ga o'zgartirdi. Birinchi bo'limda hisob boshqa o'zgargani yo'q.

Tanaffusdan so'ng maydon egalari bosimni oshirishdi. Ammo xarchand urinishmasin darvozamiz tomon yo'l topa olishmadi. Aksincha, uchrashuvning 83-daqiqasida futbolchilarimiz mezbonlarni uchinchi marta maydon markaziga chorladi. O'ng qanotdan hujumga o'tgan Rekun jarima maydoni ichida himoyachilar nazaridan chetda qolgan Ahmadjonovni izlab topdi. “Oq-tepa” to'purari osonlik bilan darvozani ishg'ol qilib, dublini nishonladi.

O'zbekiston Birinchiligi. 5-tur
“ISTIQLOL” – “OQ-TEPA” - 0:3 (0:2)
24 aprel. Toshkent. “To'qimachi” stadioni.
Bosh hakam: Viktor Serazetdinov (Toshkent).
Qanot hakamlari: Ziyodulla Abdurahmonov (Andijon), Hayot Zulunov (Andijon).
Nazoratchi: Andrey Kepikov (Toshkent).

Zaxira hakami: Igor Xudaydotov (Toshkent).
“Istiqlol”: Otabek Xoldorov, Ravshan Abduvohidov, Obid Hakimov, Jasur Saidov, Mamur Sultonov (Jamoliddin Normirzaev, 57), Hasan Ergashev, Isroil Tursunov, Shohruz Norxonov, Nodir Odilov (Temur Sadirov, 82), Bahodir Daminov, Azamat Roziqov.
“Oq-tepa”: Shohruh Eshbo'taev, Doniyor Usmonov, Temur Turdiev, Nodir Teshaboev (Farhod Mirahmatov, 76), Nikita Pavlenko (Nikita Sviridov, 73), Xurshid Yo'ldoshev Nabijonovich, Sergey Rekun (Shohruh Pirnazarov, 87), Zafar Qoraqulov, Maruf Ahmadjonov, Zokir Mirzaahmedov, Sergey Proxorov (Saidjon Topilov, 61).
Gollar: Maruf Ahmadjonov, 9 – 0:1. Nikita Pavlenko, 24 – 0:2. Maruf Ahmadjonov, 83 – 0:3.
Ogohlantirishlar: Temur Turdiev, 15. Nodir Odilov, 15. Otabek Xoldorov, 30. Jasur Saidov, 37. Doniyor Usmonov, 52. Obid Hakimov, 58. Nodir Teshaboev, 66. Jamoliddin Normirzaev, 71. Nikita Sviridov, 76.

"Oq-tepa": "Istiqlol" ustidan yirik g'alabani qo'lga kiritdik