Ўшанда жамоанинг асосий қисмини 2004 йилги Олимпиадада ўзини кўрсатган футболчилар ташкил қилганди. Ҳозир уларнинг аксарияти фаолиятини якунлаб улгурди. Уларнинг ўрнига янги футболчилар етишиб чиқмоқда. Юнус Маҳмуд ўзи учун охирги йирик турнирда жамоани яна бир бор муваффақият сари етаклашга уринади. Ироқ исталган пайтда кутилмаган натижа қайд этишга қодир.

Лақаби: “Месопотамия шерлари”
Бош мураббийи: Радҳи Шенаишел
Сардори: Юнус Маҳмуд
Энг кўп ўйнаган футболчиси: Юнус Маҳмуд (129)
Тўпурари: Ҳуссайн Саид (61)
ФИФА рейтингида ўрни: 103
Биринчи учрашуви: Марокаш – 3:3 (Ливан, 1957 йил 19 октябрь)
Энг йирик ғалабаси: Эфиопия – 13:0 (Иордания, 1992 йил 18 август)
Энг йирик мағлубияти: Бразилия – 0:6 (Швеция, 2012 йил 11 октябрь), Хитой – 0:6 (Дания, 2013 йил 14 август)
Жаҳон чемпионатида 1 марта қатнашган. Осиё Кубогида 7 марта иштирок этиб, 2007 йил чемпионга айланган. Ғарбий Осиё чемпиони-2012. Кўрфаз Кубогида 1979, 1984, 1988 йиллар ғолиб бўлган. Осиёда 2003 ва 2007, жаҳонда 2007 йилнинг энг яхши жамоаси.

Бош мураббий Радҳи Шенаишил Ироқ футболида Аднан Ҳамаддан кейинги энг машҳур мураббий ҳисобланади. У Ироқ футболи ривожига ўйинчи ва мураббий сифатида катта ҳисса қўшган. Терма жамоани қисқа вақт ичида мушкул аҳволдан олиб чиқиб кетиш унинг қўлидан келиши мумкин.

РАДҲИ ШЕНАИШИЛ
Туғилган санаси: 11.08.1966
Туғилган жойи: Бағдод
Футболчиликдаги позицияси: ҳимоячи
Ўйнаган жамоалари: 1980–1983 “Ал Таяран”, 1983–1990 “Ал Завра”, 1990–1993 “Ал Қува Ал Жавия”, 1993–1998 “Ал Иттиҳод”, 1998–1999 “Шаржа”, 1999–2000 “Ал Садд”, 2000–2005 “Қатар СК”, 2005–2006 “Ал Қува Ал Жавия”.
Ироқ терма жамоасида 1988-1999 йилларда 80 ўйинда 6 гол урган.

Бошқарган жамоалари: 2006–2007 “Ал Қува Ал Жавия”, 2007–2008 “Ал Завра”, 2009 Ироқ терма жамоаси, 2009 “Ал Талаба”, 2010–2011 “Ал Завра”, 2011–2012 Ироқ олимпия терма жамоаси, 2012–2014 “Ал Завра”, 2014 йил “Қатар СК”. 2014 йил охиридан Ироқ терма жамоасида.

Терма жамоа таркибида 15дан ортиқ ёш футболчилар жамланган. Аҳмад Иброҳим, Салом Шокир, Юнус Маҳмуд ва Аъло Абдул Заҳрогина бошқалардан кўра тажрибали. Ҳумам Тариқ 18 ёшда бўлишига қарамай, аллақачон 23 баҳсда иштирок этишга улгурган. Али Аднан ҳам 21га тўлди. Унинг ҳисобида 27 учрашув мавжуд.

Дарвозабонлар
1. Али Ёсин	0	0	Нафт Жануб
12. Жалол Ҳассан	14	0	Арбил
20. Муҳаммад Ҳамид	10	0	Ал Шорта
Ҳимоячилар
2. Аҳмад Иброҳим	41	0	Ажман, БАА
3. Али Баҳжат	21	0	Ал Шорта
4. Али Фаёз	8	0	Арбил
6. Али Аднан	27	1	Ризеспор, Туркия
14. Салом Шокир	76	4	Ал Шорта
15. Дурғам Исмоил	17	1	Ал Шорта
18. Самиҳ Саид	2	0	Бағдод
23. Волид Салим	23	0	Ал Шорта
Ярим ҳимоячилар
5. Ёсир Қосим	5	1	Суиндон Таун, Англия
7. Амжад Калаф	18	0	Ал Шорта
9. Аҳмад Ёсин	30	1	Оребро, Швеция
11. Ҳумам Тариқ	23	0	Ал Дафра, БАА
13. Осама Рашид	9	0	Альфенс Бойз, Голландия
19. Маҳди Комил	10	0	Ал Шорта
21. Саад Абдуламир	36	1	Арбил
22. Али Ҳисни	3	0	Ал Минаъа
Ҳужумчилар
8. Жастин Мерам	4	0	Коламбус Крью, АҚШ
10. Юнус Маҳмуд	131	51	клубсиз
16. Марван Ҳуссайн	5	0	Ал Шорта
17. Аъло Абдул Заҳро	63	13	Ал Шорта

Беҳзод Назаров тайёрлади

Осиё Кубоги-2015. Ироқ терма жамоаси