Eron terma jamoasi qitamizning eng kuchli jamoalaridan biri sifatida tan olinadi. Forslar 3 bor Osiyo Kubogida zafar quchishgan, 2 marta Osiyo o'yinlarida g'alaba qozonishgan. Lekin qita chempionatida 38 yildan buyon yuksak natija qayd etilmadi. Oxirgi paytlarda jamoa yarim finalgacha ham etib bora olmayapti. Yuzaga kelgan avlodlar almashinuvidan keyin endi-endi jamoa o'ziga kelayotganini ko'pchilik takidlab kelmoqda. Shunga qaramay, Eron jahon chempionatiga yo'l olishni uddaladi. Guruhda Nigeriya, Argentina va Bosniyaga qarshi uchrashuvlarda jamoa yomon o'yin ko'rsatgani yo'q. Lekin o'sha ishtiyoqni Osiyo Kubogida saqlab qolish eng murakkib vazifa hisoblanadi.
Eron terma jamoasi

Laqablari: Melli jamoasi, milliy jamoa
Sardori: Javad Nekunam
Eng ko'p o'ynagan futbolchi: Ali Dai (149)
To'purari: Ali Dai (109)
FIFA reytingidagi o'rni: 51
Birinchi uchrashuvi: Afg'oniston – 0:0 (1941 yil 1 yanvar, +obul)
Eng yirik g'alabasi: Guam – 19:0 (2000 yil 24 noyabr, Tabriz)
Eng yirik mag'lubiyati: Turkiya – 1:6 (1950 yil 28 may, Istanbul)
Erishgan yutuqlari: Osiyo Kubogi sohibi (1968, 1972, 1976), Osiyo o'yinlari g'olibi (1974, 1990, 1998)

Bosh murabbiy Karlos Keyrush futbol olamida ko'zga ko'ringan mutaxassislardan biri hisoblanadi. U “Sporting”, “Manchester Yunayted” va “Real” singari mashhur jamoalarda faoliyat olib borgan. BAA va JAR terma jamoalarini boshqargan. U Eronni Braziliyadagi mundialga olib borishga muvaffaq bo'ldi. Osiyo Kubogida ham u yaxshi natija bilan o'zini ko'rsatishga intilishi tabiiy.

Karlos Keyrush
Tug'ilgan sanasi: 01.03.1953.
Tug'ilgan joyi: Nampula, Mozambik.
Futbolchilikdagi ampluasi: darvozabon.
O'ynagan jamoasi: 1974-78 Ferroviario Nampula.
Boshqargan jamoalari: 1990–1991 Portugaliya U-20 termasi, 1991–1993 Portugaliya milliy terma jamoasi, 1994–1996 Sporting, 1996 Nyu-York Metrostarz, 1996–1997 Nagoya Grampus Eyt, 1999 BAA milliy terma jamoasi, 2000–2002 JAR milliy terma jamoasi, 2002–2003 Manchester Yunayted (yordamchi), 2003–2004 Real, 2004–2008 Manchester Yunayted (yordamchi), 2008–2010 Portugaliya milliy terma jamoasi, 2011 yil 4 apreldan Eron terma jamoasida.

Erishgan yutuqlari: 17 va 19 yoshgacha jamoalar o'rtasida Evropa vice-chempioni (1988), yoshlar o'rtasida jahon chempioni (1990, 1991), o'smirlar o'rtasida Evropa chempioni (1989), o'smirlar o'rtasida jahon chempionati sovrindori (1989), yoshlar o'rtasida Evropa vice-chempioni (1990), Portugaliya Kubogi sohibi (1994-95), Ispaniya Superkubogi sohibi (2003-04).

Eron terma jamoasida kuchli va etakchi futbolchilar etarlicha topiladi. Darvozabon Xagigi Portugaliyada o'ynab kelmoqda va Osiyoning eng kuchli darvozabonlardan biriga aylanishi bashorat qilinmoqda. Himoyada Husro Haydari, Ehson Hojsafi va Jalol Hussayni katta tajribaga ega. Ayniqsa, Hojsafi hujumga qo'shilish chog'ida deyarli qanot hujumchisiga aylana oladi. Yarim himoyada jamoa sardori Nekunam, Teymuriyan va Dejaga muhim o'rin tutadi. Har uch futbolchiga Evropada o'ynash tajribasi katta yordam berishi aniq. Hujumchilardan G'uchannajod va Azmun raqiblarga katta muammo yaratish imkoniyatiga ega.

Darvozabonlar
Alirizo Xagigi	10	0	Penafiel, Portugaliya
Muhsin Foruzan	1	0	Istiqlol
Alirizo Beyranvand	0	0	Naft
Himoyachilar
Xusro Haydari	53	0	Istiqlol
Ehson Hojsafi	66	3	Sepaxan
Jalol Hussayni	89	6	Al Ahli, Qatar
Hussayn Sodig'i	20	1	Istiqlol
Hoshim Bekzoda	17	1	Istiqlol
Vuria G'ofuri	1	0	Sepaxan
Ramin Rizoian	0	0	Raxaxan
Murtazo Puraliganji	0	0	Naft
Yarim himoyachilar
Javad Nekunam	144	37	Osasuna, Ispaniya
Masud Shojai	54	5	Al Shahania, Qatar
Alirizo Jahonbaxsh	11	1	NEK, Gollandiya
Andranik Teymuriyan	83	8	Traktorsozi
Ashkan Dejaga	18	4	Al Arabi, Qatar
Omid Ibrohimi	6	0	Istiqlol
Vohid Amiri	0	0	Naft
Hujumchilar
Karim Ansarifard	44	9	Osasuna, Ispaniya
Rizo G'uchannajod	18	11	Al Quvayt, Quvayt
Sardor Azmun	3	1	Rubin, Rossiya

Behzod Nazarov tayyorladi

Osiyo Kubogi: Eron terma jamoasi