- Muborakda biz oson bo'lmasligi avvaldan malum edi. Juda ham qiyin o'yinni boshdan o'tkazdik, - deb gap boshladi farg'onaliklar vakili - Bizda ortda yo'l yo'q edi. Shuning uchun faqat g'alabani ko'zlab maydonga chiqdik. Tezkor gol “Neftchi”ga salbiy tasir qilmadi. Yigitlar o'zlariga ishongan holda faqat oldinga harakat qilishdi va vaziyatlardan unumli foydalanishdi.

- O'tkir bugun juda ko'plab vaziyatlarda seyvlar namoyish etdingiz. “Neftchi”ni muqarrar gollardan asrab qoldingiz ? Qanday fikrdasiz, bu omad yoki mahorat ?
- Albatta bir tarafdan omad ham keldi deb o'ylayman. Juda qiyin vaziyatlarda jamoani goldan qutqarib, foydam tekkanidan xursandman.

- G'alabaga nimani asosiy sabab sifatida ko'rsatasiz ?
- Yigitlar maydonda qattiq ter to'kib mehnat qilishdi. Hamjihatlik bugun bizga g'alabani olib keldi. Endi “Sho'rtan”ga qarshi yana bir o'yin kutmoqda. Ushbu o'yinda ham chiroyli g'alabaga erishishni maqsad qilganmiz. Niyatimiz, muxlislarni xursand qilib, ularning oldida yuzimiz yorug' bo'lishdir.

“Neftchi” matbuot xizmati.

O'tkir Yusupov: "Tezkor gol “Neftchi”ga salbiy tasir qilmadi"