O'smirlar o'rtasidagi (U-17) jahon chempionatiga tayyorgarlik ko'rayotgan O'zbekiston U-17 o'smirlar terma jamoasi 12 sentyabr kuni Dukentda navbatdagi yig'inini boshladi. Mazkur yig'in davomida, O'zbekiston o'smirlar terma jamoasi (U-17) uchta nazorat uchrashuvini o'tkazishi rejalashtirilgan. Dilshod Nuraliev Dukentdagi yig'inga jami 23 nafar futbolchini terma jamoa safiga jalb etgan.

Takidlash joiz, O'zbekiston U-17 o'smirlar terma jamoasi 3-9 sentyabr kunlari Avstriyada yig'in o'tkazgan va yig'in davomida mezbon - Avstriya U-17 o'smirlar terma jamoasiga qarshi ikkita nazorat uchrashuvida maydonga tushgan edi. Nuraliev shogirdlari 5 sentyabr kuni bo'lib o'tgan Avstriya o'smirlariga qarshi ilk o'rtoqlik o'yinida 1:1 hisobida durang o'ynagan bo'lsa, 7 sentyabr kuni o'tkazilgan ikkinchi uchrashuvda Avstriya o'smirlar terma jamoasi 3:0 hisobida g'alaba qozongan.

Eslatib o'tamiz, Dilshod Nuraliev bosh murabbiyligidagi O'zbekiston U-17 o'smirlar terma jamoasi shu yilning 17 oktyabr - 8 noyabr kunlari BAA mamlakatida bo'lib o'tadigan U-17 o'smirlar o'rtasidagi jahon chempionati final bosqichida ishtitrok etadi.

Darvozabonlar:
Sarvar Karimov (Lokomotiv)
Shoxjahon Eshbo'taev (Yangier)
Shoxruh Raimov (Bunyodkor)

Himoyachilar:
Odil Hamrobekov (Nasaf)
Rustam Ashurmatov (Bunyodkor)
Ibrohim Abdullaev (Paxtakor)
Akrom Komilov (Andijon)
Doston Hamdamov (Bunyodkor)
Jamshid Boltaboev (Paxtakor-ROZK)
Humoyun Agzamov (Paxtakor-ROZK)
Oybek Erkinov (Paxtakor-ROZK)

Yarim himoyachilar:
Ravshanbek Hursanov (Paxtakor-ROZK)
Izzatilla Abdullaev (Paxtakor)
Javohir Siddiqov (Paxtakor-ROZK)
Alisher Mirzaev (Paxtakor-ROZK)
Otabek Shukurov (Mashal)
Sanjar Qodirqulov (Bunyodkor)
Adham Ahmadjonov (Registon)
Ilhom Abdug'aniev (Paxtakor-ROZK)
Islombek Karimov (Paxtakor-ROZK)

Hujumchilar:
Abdulaziz Jo'raboev (Zarafshon)
Akobir To'raev (Buxoro)
Shoxjahon Abbosov (Mashal)

O'zbekiston U-17 o'smirlar terma jamoasi Dukentda yig'in o'tkazadi