Aleksey Evstafeev bosh murabbiyligidagi O'zbekiston yoshlar terma jamoasi (U-19) 2-13 avgust kunlari Dukentda navbatdagi o'quv-mashg'ulot yig'inini o'tkazdi. O'zbekiston U-19 yoshlar terma jamoasi bosh murabbiyi Aleksey Evstafeev mazkur yig'inga jami 25 futbolchini taklif etgani haqida malumot bergan edik.

Ushbu yig'in davomida O'zbekiston yoshlar terma jamoasi 3ta nazorat uchrashuvini o'tkazdi. Evstafeev shogirdlari dastlab, 7 avgust kuni Andijon klubiga qarshi nazorat uchrashuvini o'tkazishdi va 1:1 hisobida durang o'ynashdi. 10 hamda 12 avgust kunlari esa, O'zbekiston yoshlar terma jamoasi Olmaliq jamoasi yoshlariga qarshi to'p surishdi va har ikki uchrashuvda ham yirik hisobda g'alaba qozonishdi. Olmaliq yoshlariga qarshi kechgan ilk o'yinda o'zbekistonlik yoshlar yirik - 8:1 hisobida g'alabaga erishdilar. Oradan ikki kun o'tib, mazkur jamoalar yana bir marotaba maydonga chiqishdi va bu uchrashuvda ham Evstafeev shogirdlari yirik hisobda g'alaba qozondilar - 4:1.

Malumot o'rnida, O'zbekiston yoshlar terma jamoasi shu yilning 4-12 oktbyar kunlari 2014 yili Myanmada bo'lib o'tadigan yoshlar o'rtasidagi Osiyo chempionati saralash bahslarida ishtirok etadi. O'zbekiston yoshlari saralash bahslarining A guruhida Qatar, Turkmaniston, Hindiston va Nepal yoshlar terma jamoalariga qarshi bahs olib boradilar. A guruhi bahslariga esa, Qatar mezbonlik qiladi.

Nazorat uchrashuvi.

7 avgust, chorshanba
O'zbekiston (U-19) - Andijon - 1:1
Gollar: Abbos Otaxonov - Lochin Soliev

Nazorat uchrashuvi.
10 avgust, shanba
O'zbekiston (U-19) - Olmaliq (yoshlar) - 8:1
Gollar: Igor Rogovanov (4ta), Mahsud Mahmudov (2ta), Durbek Kamolov, Andrey Sidorov

Nazorat uchrashuvi.
12 avgust, dushanba
O'zbekiston (U-19) - Olmaliq (yoshlar) - 8:1
Gollar: Asliddin Abdiev, Eldor Shomurodov, Boburbek Davlatov, Javohir Soibov

O'zbekiston U-19 Dukentdagi yig'inini yakunladi