O'zbekiston yoshlar terma jamoasi futbolchilari joy olgan havo kemasi Toshkentdagi mahalliy vaqt bilan 8:15da uchib, salkam besh soat deganda nafaqat Turkiyaning, balki Evroosiyoning eng katta madaniy, siyosiy va iqtisodiy markazlaridan biri hisoblangan Istanbulga shahriga kelib qo'ndi. Yoshlar terma jamoasi azolari, FIFA tomonidan oldindan belgilangan reja asosida, avval Istanbuldan Yalovaga salkam ikki soat davomida Istanbul dengiz avtobuslari kompaniyasiga tegishli Sulton Sulaymon paromida, so'ngra, musobaqa tashkilotchilari tomonidan Ahmadjon Musaev shogirdlari uchun ajratilgan va Özbekistan yozuvi tushirilgan maxsus avtobusda JCH-2013ning shiori – Yulduzlar shu erda porlaydi (Yıldızlar Burada Yükseliyor)bilan to'ldirilgan Bursa shahriga etib kelishdi.

O'zbekiston yoshlar terma jamoasi insoniyat tarixidagi eng buyuk saltanatlardan biri hisoblangan Usmoniylar imperiyasining ilk poytaxti bo'lgan Bursa shahridagi Crowne Plaza mehmonxonasida JCH-2013 bahslari F guruhidagi qolgan jamoalar – Yangi Zelandiya, Xorvatiya va Urugvay terma jamoalari bilan birga istiqomat qilmoqda. Etiborli tomoni, Sulton Sulaymondagi Istanbuldan Yalovagacha, so'ngra Yalovadan Bursagacha bo'lgan yo'lda Xorvatiya yoshlar terma jamoasi delegaciyasi o'zbekistonliklar bilan birga keldi.

Takidlash joiz, musobaqa mezbonlari va tashkilotchilari O'zbekiston yoshlar terma jamoasi delegaciyasini juda iliq kutib olishdi va turk mehmonnavozligining eng yaxshi jihatlarini namoyish etishdi. Jahon chempionati bahslari umuman boshqa saviyadagi musobaqa ekanligini musobaqaga jalb etilgan xodimlarning o'z vazifasiga professional yondashuvidan ham bilish qiyin emas. O'z navbatida, O'zbekiston yoshlar terma jamoasi vakillari yaratilgan sharoitlardan mamnun ekanliklarini malum qilishdi.

Eslatib o'tamiz, o'z tarixidagi uchinchi bora yoshlar o'rtasidagi jahon chempionati bahslarida ishtirok etayotgan O'zbekiston terma jamoasi 23 iyun kuni Yangi Zelandiya, 26 iyun kuni Xorvatiya, 29 iyun kuni esa Urugvay terma jamoalariga qarshi bahs olib boradi.

Turkiyada tashkil etiladigan 2013 yilgi yoshlar o'rtasidagi jahon chempionati bahslarida ishtirok etish uchun Bursa shahriga 18 iyun kuni etib kelgan Ahmadjon Musaev shogirdlari shu kunning o'zidayoq dastlabi mashg'ulotlarni o'tkazishdi.

Bursaspor klubining Vakifko'y bazasida tashkil etilgan mashg'ulotlarda barcha futbolchilar to'liq ishtirok etdi. Jumladan, jarohati sabab Ispaniyada tashkil etilgan so'nggi xorijiy yig'inni o'tkazib yuborgan terma jamoa sardori Vladimir Kozak ham Toshkentdagi so'nggi mashg'ulotlardayoq jamoa bilan birga mashg'ulotlarda to'laqonli ishtirok etishni boshlagan edi.

Uzoq yo'l bosilganidan so'ng o'tkazilgani sabab, terma jamoa murabbiylar shtabi Turkiyadagi ilk yig'inda futbolchilarga ko'p yuklama berishmadi. Futbolchilar engil mashqlar bilan cheklanib, asosan, jamoalarga bo'linib to'p bilan ishlashga ko'proq etibor qaratishdi. Vakifko'ydagi mashg'ulotlardan so'ng futbolchilar suzish havzasida bo'lishdi. Qayd etish joiz, O'zbekistonga yorug' yuz bilan qaytishni niyat qilgan ushbu terma jamoadagi muhit alo darajada, futbolchilar esa hal qiluvchi o'yinlarga tayyor.

JCH-2013dagi dastlabki uchrashuvni 23 iyun kuni Yangi Zelandiya terma jamoasiga qarshi o'tkazadigan O'zbekiston yoshlar terma jamoasining navbatdagi mashg'ulotlari ham Vakifko'y qarorgohida tashkil etiladi. Mashg'ulotlar 20 iyun, payshanba kuni Toshkent vaqti bilan 18:00da boshlanishi rejalashtirilgan.

O'zbekiston yoshlar terma jamoasi – Bursada