Albatta, barcha klubda qandaydir kichik o'zgarish yuz berishiga umid bilan kutdi, lekin vaziyatning bunday tus olishini hech kim kutmagandi. To'g'risini aytganda Mesutning Madrid klubini nega tark etganligi tushunarsiz bo'ldi. Ko'pchilik uchun bu tushga o'xshashi mumkin, lekin endi O'zil – “Arsenal” o'yinchisi. Qani endi ko'ramiz futbolchi “Arsenal”ga nimalar keltira olar ekan. Keling avvalida O'zilni Santi Kasorla bilan solishtirsak. Chunki aynan ispan futbolchisi o'tgan mavsum Vengerning jamoasida yaqqol ajralib turdi.

O'zil – so'nggi to'p uzatishning ustasi, jamoasi hujumchilariga qulay vaziyatlar yaratib beradigan futbolchi. O'tgan mavsum Ispaniya chempionatida u 32 uchrashuvda ishtirok etib, 13 golli to'p uzatishni amalga oshirgan. O'rtacha hisobda aytadigan bo'lsak, 1 ta golli to'p uzatish, 155 daqiqaga to'g'ri kelayapti. Santi “Arsenal” tarkibida chempionatning 38 o'yinida ishtirok etib, 11 ta golli to'p uzatishni amalga oshirgan. Bu futbolchi to'p uzatishlarining o'rtacha hisobi – 1 ta golli to'p uzatish, 300 daqiqaga to'g'ri kelayapti. Bu Mesutning natijasidan 2 karra kam degani. Mesut raqib jarima maydonchasi ichida kombinacion o'yin namoyish etishni yoqtiradi (bu vaziyatdagi asosiy to'p uzatishlar foizi Mesutda 11%, Santida 7.4 %). Santi uzoqda etkazib beriladigan to'p uzatishlar natijasi, samaradorligi va aniqligi bo'yicha 80 foizlik ko'rsatgichga ega bo'lsa, o'z navbatida O'zil bu ko'rsatgich bo'yicha 62.5 foizga ega. Santi o'z jarima maydonchasi ichiga ko'proq kelib turadi va to'pni uzoqdan turib ikki qanotga etkazib beradi. Mesut esa aksincha raqib jarima maydonchasida o'ynashni va qisqa to'p uzatishlarni amalga oshirishni yoqtiradi. Bu esa o'z-o'zidan uning aniqlik bilan to'p uzatishlariga tasir ko'rsatadi.

Zarbaga keladigan bo'lsak, Kasorla o'zining 12 goldan 5 tasini raqib jarimasidan tashqarida turib kiritgan bo'lsa, qolganlarini jarima maydonchasi ichidan kiritgan. Santi zarbalarini chap oyoqda berishni yaxshi ko'radi – 7 ta gol, biroq u o'ng oyoqda ham qattiq zarba bera oladi – 4 ta gol. Bundan tashqari futbolchi bosh bilan gol urib – 1 ta gol, universal ekanligini ham ko'rsatib qo'ygan. O'zil – chapaqay (yani chap oyoqda o'ynaydi), u 9 ta golidan 7 tasini chpa oyoqda kiritgan. Mesut kamdan-kam vaziyatlarda uzoqdan zarba beradi. U aksariyat hollarda kichik masofadan zarba beridi (chamasi 10-12 metrlardan). Umuman olganda O'zil o'zoq masofadan ko'p tepmaslikka harakat qiladi, u qisqa to'p uzatish bilan sheriklarini yaxshi vaziyatga olib chiqishni maqul ko'radi. Bu erda o'z o'zidan aniq zarbalar statistikasi bo'yicha O'zil oldinda turadi – 82% (Santida-53%).

Bu bilan jamoada Kasorla va O'zil bir biriga qarib sifatida keltirmoqchi emasmiz. Albatta bu futbolchilar jamoada bir-birini ajoyib tarzda to'ldirib turadi. Mesutning asosiy tarkibga kiritilishi, Rosickini tarkibdagi o'rnidan chiqarib yuborishi ham mumkin, biroq hali futbolchilarni maydonda joylashtirish bo'yicha Venger qanday siyosat olib boradi buni vaqt ko'rsatadi.

Keling endi Fabregas va O'zillarning pleymeykerlik xususiyatlarini solishtirib ko'rsak. Shuni takidlab o'tish kerakki nemis futbolchisi ispaniyalik futbolchidan 1 yilga yoshroq. Mesut 20 yoshligida bir mavsumda 14 ta golli to'p uzatishni amalga oshirgan. Bu o'rtacha hisobda 1 ta golli to'p uzatish uchun 143 daqiqa to'g'ri kelayotganligini ko'rsatadi. Mesut 2010 yilda 22 yoshga to'lganida “Real Madrid”ga o'tdi. Bu erda uning samaradorligi qisqarib ketdi deb o'ylaganlar qattiq adashadi. Ispaniyada 1 golli to'p uzatish uchun, futbolchiga 150 daqiqa kerak bo'lardi xolos. Bunday to'p uzatishlarini O'zil bir mavsumda 20 tasini amalga oshiradi. Lekin bunday natijaga erishishga uning sheriklari ham sababchi. Chunki sheriklarning yuqori darajagi futbolchilar ekanligi O'zil etkazib bergan to'plarning aksariyati gol bilan yakunlanishiga olib kelgan. Ammo Angliyada bunday vaziyatlar va sheriklar bo'ladimi yoki yo'qmi mavsum davomida ko'rib olamiz.

Bu ko'rsatkichlarga yanada aniqlik kiritish maqsadida Fabregasning natijalari yuzlanamiz. 2007-2008 yil mavsumi boshidan boshlab, 20 yoshga yaqinlashib qolgan Fabregas “Arsenal”ga o'ynay boshladi. Aynan manashu davrda u O'zil bilan tenglashtira olishimiz mumkin bo'lgan ko'rsatgichlarni qayd eta boshladi. 18 ta golli to'p uzatish, o'rtacha hisobda 1 ta golli to'p uzatish 159 daqiqada amalga oshirilgan. Keyinchalik Fabregasning faoliyatida jarohatlar tufayli to'xtalishlar yuz bergan. Fabregas “Barselona”ga o'tganida esa, uning golli to'p uzatishlari soni mavsum davomida 15 tadan oshmagan. Bu o'rtacha hisobda 1 ta golli to'p uzatish 200 daqiqaga to'g'ri keladi.

Murodov Miraziz tayyorladi

O'zil – “Arsenal” uchun yangi Fabregasmi?