Har ikki jamoa davralar oralig'idagi tanaffusdan unumli foydalangan holda bo'lajak uchrashuvlarga puxta tayyorgarlik ko'rishga harakat qildi. Qarshiliklar safida jiddiy o'zgarishlar yuzaga kelmadi. Asosiy tarkibning barcha futbolchilari faoliyatlarini "Nasaf"da davom ettirishmoqda. Tanaffus davrida Ro'ziqul Berdiev shogirdlari ham boshqa jamoalar singari nazorat bahslarida maydonga tushishdi.

Jamoalarning kubokdagi so'nggi bellashuvi 2011 yil finalda kuzatilgandi. O'shanda "Paxtakor" 3:1 hisobida zafar quchgan. Oliy ligada esa birinchi davrada Toshkentda Vladimir Kozakning yagona goli jamoamizga g'alaba keltirgandi. Endi esa kurash yana kubok o'yinida davom etadi. "Paxtakor" va "Nasaf" o'rtasidagi uchrashuv "Paxtakor" Markaziy stadionida 30 iyul kuni soat 19:00da boshlanadi. Barcha ishqibozlarni keskin o'tishi kutilayotgan uchrashuvni stadionda tomosha qilishga chaqirib qolamiz. Mavsumning eng muhim bahslaridan birida futbolchilarimizni qo'llab turing.

"Paxtakor" - "Nasaf"

Hakamlar: Valentin Kovalenko, Rafael Ilyosov, Mamur Saidqosimov, Baxtiyor Namozov (Toshkent).

Nazoratchi: Farhod Abdullaev (Toshkent).

"Paxtakor": Kubok sari kurash davom etadi