Buxoro (Buxoro) – So'g'diyona (Jizzax)
1 iyul 2015. Buxoro. “Buxoro” stadioni. 19:30
Hakamlar: O. Tolibjonov (Toshkent), R. Fozilov (Namangan), M. Majidov (Namangan), A. Risqullaev (Toshkent)
Nazoratchi: I. Mustafin (Toshkent).

Bu ikki klubning yo'llari oliy liga o'yinlarida 38 bor kesishgan. Natijalar “Buxoro”ning kichik ustunligini ko'rsatmoqda. Jamoa hisobida 17ta g'alaba bor, “So'g'diyona” esa 16 marta g'olib chiqqan. Beshta uchrashuvda g'olib aniqlanmagan. To'plar nisbati “So'g'diyona” foydasiga. Jizzax klubi shu kunga qadar o'zaro o'yinlarda 55ta gol kiritib o'z darvozasidan 52 marta to'p olib chiqqaan. O'zaro o'inlarda “Buxoro” 56, “So'g'diyona” 53 ochkoni qo'lga kiritgan.

“Buxoro” oliy ligada “So'g'diyona” ustidan 4:1 hisobida g'alaba qozongan. Bu o'zaro o'yinlardagi buxoroliklarning eng yirik hisobidir. “So'g'diyona”ning o'zaro o'yinlardagi “Buxoro” ustidan erishgan eng yirik g'alabasi esa 6:2 bo'lib turibdi.

O'tgan yil birinchi davraning beshinchi turida Zominda bo'lib o'tgan bahs taqdirini bitta gol hal qilgan. Uchrashuv tugashiga 6 daqiqa qolganida Feruz Boboqulovning mezbonlar darvozasiiga kiritgan to'pi “Buxoro”ga uch ochko keltirgan – 0:1. Buxorodagi uchrashuvda ham “Buxoro” g'olib bo'lgan, Predrag Vuyovich va Ulug'bek Baqoevning gollariga Suhrob Berdiev javob bergandi – 2:1.

“Buxoro” maydonida o'tgan so'nggi besh uchrashuv:
27.08.2014 Buxoro - So'g'diyona 2:1
23.03.2013 Buxoro - So'g'diyona 4:1
09.09.2011 Buxoro - So'g'diyona 2:1
17.10.2009 Buxoro - So'g'diyona 0:0
13.09.2008 Buxoro - So'g'diyona 2:3

O'zaro o'yinlar haqida fakt: “Buxoro” o'z maydonida 11 marta g'alabaga erishgan va 3 marta durang o'ynagan. Qolgan 5ta bahsda “So'g'diyona” safarda muvaffaqiyatga erishgan. Oxirgi to'rt o'yinda “So'g'diyona” safarda g'alaba qozona olmagan.

Prevyu. "Buxoro" - "So'g'diyona"