So'nggi etapga kelib yaponlarni to'xtatib bo'lmadi. Kun chiqar yurt vakillari Avstraliyani 4 ochkoga ortda qoldirdilar. Bugungi Yaponiya ancha kuchaygan. 7 nafar futbolchisi bundesligada to'p tepadi. Nagatomo, Xonda va Kagava esa terma jamoaning asosiy kuchi. Yaponiya Kot-d'Ivuarga nisbatan ancha yosh. Sabri Lyamushi musobaqada tavakkal qilishni istamadi. U tomonidan turnirga olib kelingan futbolchilarning juda ko'pchiligi 29-33 yosh oralig'ida. Silven Gbouogina ichki chempionatda qatnashadi. Ammo darvozabon amluasidagi bu futbolchini JCHga zaxira futbolchi sifatida kelganligini inobatga olsak, afrikaliklar to'liq legionerlar xizmatidan foydalanishini ko'rishimiz mumkin. Bugungi tezkor futbolda tajribadan ko'ra ko'proq jismoniy tetiklik katta rol o'ynashini kecha Gollandiya terma jamoasi isbotlab berdi. Yaya Ture maydonga tushmaydi degan gaplar yuribdi. "Manchester Siti"da mavsumni ko'taringki ruhda o'tkazgan futbolchi Kot-d'Ivuar uchun jiddiy yo'qotish bo'ladi. Huddi shunday yo'qotishga Yaponiya ham uchragan.

JCH oldidan o'tkazilgan o'rtoqlik o'yinlarida qatnasha olmagan Xasebe bugun maydonga tusha olmasa kerak. Terma jamoaning sardorini yo'qligi Yaponiyaga qiyinchilik tug'dirishi mumkin.

Bu ikki terma jamoa ilk marotaba 1993 yili o'zaro to'qnash kelganlar. Afro-Osiyo kubogidan o'rin olgan bahsda qitadoshlarimiz 1:0 hisobda g'alaba qozongan. Keyingi o'yin 15 yil o'tib Tokioda bo'lib o'tdi. Bu o'yinda ham yaponlar minimal hisobda yutganlar. JARdagi mundial oldidan 2010 yil o'tkazilgan o'yinda esa Kot-d'Ivuar ustun kelgan, 2:0.

Kolo Ture turnirda terma jamoasi sensaciya qila olishi va finalda o'ynashi mumkinligini aytib o'tdi. Xonda esa, agar qattiq mehnat qilmasak, guruhdan ham chiqa olmaymiz degan fikrni bildirib o'tdi.

Kolo Ture, Yaya Ture va Dide Drogba kabi etakchilar uchun bu so'nggi mundial. Qizig'i shundaki, terma jamoa ustozi Sabri Lyamushi Drogbadan bor yo'g'i 6 yosh katta.

Kot-d'Ivuar - Yaponiya
15 iyun. 06:00
Bosh hakam: Enrike Osses (Chili)
Yordamchi hakamlar: Karlos Astroza (Chili), Sexio Roman (Chili)
Zaxira hakami: Neant Alium (Kamerun)

Taxminiy tarkiblar:
Kot d'Ivuar: Barri, Ore, K.Ture, Bamba, Boka, Tiote, Die, Yaya Ture, Kalu, Drogba, Jervino.
Yaponiya: Kavashima, Uchida, Yoshida, Konno, Nagatomo, Endo, Xasebe, Kagava, Xonda, Okazaki, Kakitani.

Nodirxo'ja Yuldashev.

Prevyu: Kot-d’Ivuar - Yaponiya. Drogbaning so'nggi mundiali