Neftchi (Farg'ona) – Olmaliq (Olmaliq)
16 may. Farg'ona. "Neftchi SK" stadioni. 17:00
Hakamlar: R. Ermatov (Toshkent), A. Rasulov (Toshkent), J. Saidov (Toshkent), A. Ergashev (Toshkent)
Nazoratchi: A. Hotamov (Toshkent).

“Neftchi” va “Olmaliq” oliy ligada 12 marta to'qnash kelishgan. Ushbu o'yinlardan 7tasida farg'onaliklar g'olib bo'lishgan. 2ta o'yin durang hisobida yakunlangan, “Olmaliq” hisobida 3ta g'alaba mavjud.

“Neftchi” shu kungacha o'zaro o'yinlarda “Olmaliq” darvozasiga 24ta to'p kiritgan, Toshkent viloyati klubi esa “Neftchi” darvozasiga 11ta gol urgan. “Olmaliq” o'zaro o'yinlarda 11 ochko ishlab olgan bo'lsa, “Neftchi” 23 ochkoni qo'lga kiritgan. “Neftchi”ning oliy ligada “Olmaliq” ustidan erishgan eng yirik g'alabasi 4:0 ni tashkil qiladi. “Olmaliq”ning yirik g'alabasi esa 3:1.

O'tgan yil har ikkala jamoa o'z maydonidagi bahsda g'olib chiqqan. Olmaliqdagi uchrashuvda mezbonlar Evgeniy Gogol va Sanjar Shoahmedov (2ta) tomonidan urilgan gollar evaziga g'alaba qozonishgan. Hozirda “Olmaliq”da o'ynayotgan Shezod Hakimov yagona javob to'pini kiritgandi – 3:1. Farg'onada tashkil etilgan uchrashuvda “Neftchi” yirik g'alabaga erishgan. G'ulom O'runov, Nosir Otaqo'ziev, Mirzakamol Kamolov va Sardor Mirzaevning gollariga “Olmaliq” umuman javob bera olmagan – 4:0.

Farg'onada o'tgan barcha uchrashuvlar:
14.09.2013 Neftchi - Olmaliq 4:0
21.11.2012 Neftchi - Olmaliq 4:2
05.11.2011 Neftchi - Olmaliq 4:1
20.03.2010 Neftchi - Olmaliq 3:0
10.10.2009 Neftchi - Olmaliq 2:1
28.08.2008 Neftchi - Olmaliq 4:1

O'zaro o'yinlar haqida fakt: Farg'onada bu jamoalar o'rtasidagi barcha o'yinlarda “Neftchi” g'alaba qozongan. “Olmaliq” bugunga qadar Farg'onada bir ochko ham ololmagan. Oxirgi uch yilda “Neftchi” o'z mayida Igor Shkvirin shogirdlari darvozasiga 4tadan gol urgan.

Prevyu. "Neftchi" - "Olmaliq"