«ҚИЗИЛҚУМ» – «СЎҒДИЁНА»
14 март 2015. Навоий. "Ёшлар" стадиони. 17:00
Ҳакамлар: Ҳ.Рўзиев, О.Абдувасилов, С.Шоюсупов, Э.Турсунов.
Назоратчи: Б.Галеев.

Ушбу жамоалар шу кунга қадар ўзаро 22 марта куч синашишган. Натижалар “Қизилқум”нинг устунлигини кўрсатмоқда. Навоийликлар 22 баҳснинг 12тасида ғалаба қозонишган. Тўртта учрашувда томонлар муроса кўчасини танлашган ва 6та ўйинда “Сўғдиёна”нинг қўли баланд келган. Тўплар нисбати ҳам “Қизилқум” фойдасига 25:16. Ўзаро ўинларда “Қизилқум” 40 очкони қўлга киритган бўлса, “Сўғдиёна” бўлса 22 очколик бўлган.

“Қизилқум”нинг “Сўғдиёна” устидан қозонган энг йирик ғалабаси – 3:0. “Сўғдиёна”нинг “Қизилқум”устидан қозонган энг йирик ғалабаси эса – 2:0 ни ташкил этади.

Ўтган мавсумда қайси жамоа ўз уйида ўйнаса ўша 1:0 ҳисобида зафар қучган. Навоийдаги баҳсда Владимир Шишеловнинг урган голи “Сўғдиёна”ни мағлуб этган. “Сўғдиёна” майдонидаги учрашувдаги ягона голни Аюбхон Нўъмонов урган.

“Қизилқум” майдонида ўтган сўнгги беш учрашув:
21.06.2014 “Қизилқум” – “Сўғдиёна” 1:0
20.06.2013 “Қизилқум” – “Сўғдиёна” 3:1
22.10.2011 “Қизилқум” – “Сўғдиёна” 0:0
20.06.2009 “Қизилқум” – “Сўғдиёна” 3:0
27.09.2008 “Қизилқум” – “Сўғдиёна” 1:0
13.05.2006 “Қизилқум” – “Сўғдиёна” 2:1

Ўзаро ўйинлар ҳақида факт: “Қизилқум” уйида бўлиб ўтган баҳсларда “Сўғдиёна” умуман ғалаба қозона олмаган. 8та учрашувда “Қизилқум” ғалаба қозонган, қолган 3та ўйинда дуранг қайд этилган.

Нарзулла Сайдуллаев

Превью. "Қизилқум" - "Сўғдиёна"