Ikkala jamoa shu paytgacha 227 marta rasmiy o'yinlarda to'qnash kelishgan. "Real" 91 bor zafar quchgan, 48ta o'yinda g'olibni aniqlashning imkoni bo'lmagan. 88 marta "Barselona"ning qo'li baland kelgan .

"Qirollik klubi" 384ta gol urgan, "ko'kanorranglilar" hisobida 368ta gol mavjud.

Primera doirasida 168ta "El Klassiko" bo'lib o'tgan. 70 marta "Real", 66 marta "Barsa" yutgan. 32 bor durang qayd etilgan. To'plar nisbatida "qaymoqranglilar" oldinda: 274-265.

"Real" maydonida Ispaniya chempionati doirasidagi bahslar statistikasi: 84 o'yin, "Real"da 51 g'alaba, 15 durang va "Barselona"da 18ta g'alaba.

Bugungi bahsni 30 yoshli Xesus Xil Mansano boshqarib boradi. Ushbu hakam 2012 yil 25 avgust kuni "Malaga" – "Deportivo" (1:1) uchrashuvida Primeroda debyut qilgan.

2014 yil 1 yanvarida FIFA hakamiga aylandi. U 29 yoshida shunday maqomga ega bo'lgan eng yosh ispaniyalik hakamga aylandi.

Xesus Xil Mansano hozirgacha "El Klassiko"da umuman ishlamagan. 30 yoshda Ispaniyaning eng markaziy o'yiniga tayinlanish albatta juda katta masuliyat yuklaydi.

Ispaniya chempionati. 9-tur
25 oktyabr, shanba. 21.00
Real - Barselona
Stadion: Santyago Bernabeu (Madrid)
Bosh hakam: Xesus Xil Mansano (Don-Benito)

Taxminiy tarkiblar:
Real: Kasilyas - Karvaxal, Pepe, Ramos, Marselo - Modrich, Kros - Rodriges, Isko, Ronaldu - Benzema

Barselona: Bravo - Alves, Pike, Maskerano, Alba - Xavi, Buskets, Inesta - Pedro, Messi, Neymar

Yo'qotishlar: Koentrau, Xese, Beyl (barchasi - jarohat.), Ramos (so'roq ostida) - Vermalen, Adriano (ikkisi - jarohat.), Rafinya (so'roq ostida)

Ushbu bahs CA orqali matnli translyaciya qilinadi.

Narzulla Saydullaev tayyorladi

PREVYU. "Real" - "Barselona"