• Бир ҳафта олдин "Барселона" Лионель Мессининг дубли эвазига "Бавария"ни 3:0 ҳисобида мағлуб этди

• "Биз 20-25 дақиқа ичида керакли барча ишни амалга ошира оламиз" - дейди Хосеп Гвардиола.

• Луис Энрике: "Асосийси футболчиларим хотиржамликни сақлаб қолиши керак"

• Икки йил олдин "Бавария" ярим финалда каталонияликлар дарвозасига тўртта жавобсиз гол урган

• "Барселона" 2011 йилда Гвардиола қўл остида Чемпионлар лигасида ғолиб бўлганидан сўнг, илк бора финалга чиқиши мумкин

Таҳминий таркиблар:

"Бавария": Нойер; Рафинья, Бенатия, Боатенг, Бернат; Хаби Алонсо; Мюллер, Лам, Тьяго Алькантара, Гетце; Левандовски.

Ўйнамайди: Алаба (тизза), Бадштубер (сон), Рибери (тўпиқ), Роббен (мушак).

Сўроқостида: Роде (соннинг орқа мушаклари)

"Барселона": тер Штеген; Алвес, Пике, Маскерано, Хорди Альба; Ракитич, Бускетс, Иньеста; Месси, Суарес, Неймар.

"Бавария" бош мураббийи Хосеп Гвардиола:

"Ярим финалда ўйнаётганмиздан хурсандмиз. Сўнгги 15 йилдаги Европанинг энг кучли жамоасига 0:3 ҳисобида мағлуб бўляпмиз. Авваламбор биз яхши ҳимояланишимиз керак, кейин эса ўйин қандай ривож олишини кўрамиз. Нима содир бўлишини ҳеч қачон билмайсан. Барселонада 77 дақиқа давомида 0:0 эди. Биз гол уришимиз керак. Учрашувда юзага келадиган хавфли имкониятлармиздан фойдаланишимиз шарт. "Порту" ва "Шахтёр"ни бундай йирик ҳисобда мағлуб этамиз деб ўйламаган эдим. Хотиржамликни сақлаш керак, чунки биз 20-25 дақиқа ичида керакли барча ишни амалга ошира оламиз.

Бу клубда ишлаётганимдан мамнунман ва жамоа учун қўлимдан келган барча ишни қиламан. "Бавария"га келган биринчи кунимдан бошлаб бор кучим билан ишлаяпман. Бу ерда ишлаш - менинг орзуим. Албатта финалга чиқишни истайман, аммо бу қўлимиздан келмаса ҳаётим ўзгармайди. Мен ўз обрўим учун курашаётганим йўқ, футболчилар учун ҳаракат қиляпман. Биз "Бавария"миз ва ҳеч қачон имкон йўқ деб тўзтаб қолмайман. Бу биз ғалаба қозона олмайдиган ўйин эмас. Чин қалбдан ўйнашимиз керак".

"Барселона" бош мураббийи Луис Энрике:

"Ҳа, қарши ҳужумларда бизга тенг келадигани йўқ. Агар Пеп шундай деб айтган бўлса, бунга қўшилишдан бошқа илож йўқ. Биз ақлдан оздирувчи ўйин сценарийсини хоҳламаймиз. Тўпга эгалик қилиб, хавфли имкониятлар яратишни истаймиз, аммо "Бавария" ҳақида ҳам шундай дейиш мумкин. Ҳимоя ва ҳужум ўртасида мувозана ўрнатиш керак. Фақат ҳимояда ўйнасак, гол ура олмаймиз.

Ўзимизга жуда ҳам ишониб юбориш ярамайди, рақибни ҳурмат қилиш лозим. Футболчиларимиз хотиржамликни сақлаши жуда муҳим. "Бавария" қанчалик кучли эканлигини биламиз ва уларга гол уриш учун имконият бермасликка уриниб кўрамиз. Мюнхенликларда мухлислар қўллаб туради, шу сабаб биз иложи борича кўпроқ рақиб дарвозасига хавф солиш керак.

Ҳисобни оча олсак жуда яхши бўлар эди. Аммо "Бавария"нинг ҳужуми жуда кучли, хатто Барселонада ҳам қийналган эдик. Асосийси - финалга чиқиш. Биринчи учрашувда жуда яхши натижага эришдик, аммо футболчилар ўзига ишонишда давом этиши лозим.

"Бавария" катта куч билан олдинга ўтади. Пепнинг фикрларини англаш қийин эмас. Томошабоп ўйинни сабрсизлик билан кутяпман".

Жамоаларнинг сўнгги ўйинлари:

"Бавария" - "Аугсбург" 0:1 (Бобадилья 71)

"Барселона" - "Реал Сосьедад" 2:0 (Неймар 51, Педро Родригес 85)

Првеью. "Бавария" - "Барселона"