Sho'rtan (G'uzor) – Nasaf (Qarshi) 1:2
26 aprel 2015. G'uzor. "Sho'rtan" stadioni. 17:00
Hakamlar: B.Namozov, A.Capenko, O.Abduvasilov, N.Qosimov.
Nazoratchi: A.Abdullaev.
Gollar: G'ulomHaydar Gulyamov 48, - 1:0 (Mirzakamol Kamolov). Farruh Sayfiev 86, - 1:1. Ilhom Shomurodov 90, - 1:2 (Artur Gevorkyan).
"Sho'rtan": 30.Timur Jo'raev, 7.Viktor Karpenko (19.Suhrob Berdiev, 64), 9.Igor Taran, 10.Viktor Klishin, 11.Zafar Polvonov, 14.Umar Eshmurodov, 17.Mirzakamol Kamolov, 18.Eldor Boymatov, 20.Darko Stanoevich, 21.G'ulomHaydar Gulyamov, 22.Laziz Ubaydullaev.
Zaxira: 1.Eldor Tojiboev, 4.Jamol Otaqulov, 5.Asror Aliqulov, 8.Samandar Shodmonov, 28.Murod Rajabov, 29.Sherzod Sharipov.

"Nasaf": 30.O'tkir Yusupov, 5.Botir Qoraev, 9.Ilhom Shomurodov, 15.Roy Rok, 16.Alisher Yusupov, 17.Artur Gevorkyan, 18.Bahrom Abdurahimov, 23.Sherzod Azamov (32.Hamza Karimov, 82), 27.Ilhom Yunusov (22.Shohruh Gadoev, 58), 33.Odil Hamrobekov, 34.Farruh Sayfiev.
Zaxira: 25.Eldor Suyunov, 4.Maqsud Karimov, 7.Akram Baxriddinov, 20.Erkin Boydullaev, 38.Doniyor Narzullaev.

Ogohlantirishlar: Bahrom Abdurahimov 67, Umar Eshmurodov 72.

MATNLI TRANSLYACIYA
YANGILASH

Sizlar bilan 90 daqiqa davomida Shahboz Beg'amov bo'ldi. Sog'-salomat bo'linglar.

90+4. Uchrashuv yakunlandi. Qashqadaryo derbisida "Nasaf" so'nggi daqiqalardagi gollar evaziga irodali g'alabaga erishdi! "Sho'rtan"ning esa butun o'yin davomida ko'rsatgan o'yini tahsinga sazovor.

90+2. Artur Gevorkyan jarima maydoni ichida turgan Ilhom Shomurodovga uzatdi, Ilhom odatda bunday vaziyatlardan gol uradi - 1:2. "Nasaf" irodali g'alabaga juda yaqin!

90+1. GOOOOOOOOOOOOOOOOOOOOOOL! 1:2! Ilhom Shomurodov!!!

90. O'yinga 4 daqiqa qo'shib berildi

89. ZARBAAAAAAA! Suhrob Berdiev! Qanday vaziyat ediya! Berdiev darvozabon bilan birga bir vaziyatga chiqib borib zarba berdi, ozgina noaniq!

88. Bugungi derbi o'z maqomini to'la to'kis oqlamoqda.

86. "Sho'rtan" jarima maydoni oldida yuzaga kelgan pala-partishlik natijasida Farruh Sayfiev gol urdi. Bu vaziyatda Shohruh Gadoevning harakatlari tahsinga sazovor!

86. GOOOOOOOOOOOOOL! 1:1. Farruh Sayfiev!

84. O'zgarish. "Sho'rtan". Mirzakamol Kamolov o'rniga Samandar Shodmonov tushdi

83. Suhrob Berdievning zarbasi noaniq ko'rinish oldi

82. O'zgarish. "Nasaf". Sherzod Azamov o'rniga Hamza Karimov tushdi

80. "Nasaf"ning navbatdagi hujumi ham offsayd tufayli to'xtab qoldi

77. "Nasaf" endi hujumga o'tgandi ham qanot hakami bayroqchasini ko'tarib qoldi

76. O'tkir Yusupov raqibning navbatdagi hujumini bartaraf etishni uddasidan chiqdi

73. "Nasaf" faqat himoyalanmoqda

72. Ogohlantirish. "Sho'rtan". Umar Eshmurodov

72. "Sho'rtannnn"!!!! Derbi!!!! G'uzorliklarni to'xtatib bo'lmayapti...Suhrob Berdievning boshi bilan bergan zarbasini bir amallab maydondan tashqariga chiqarib yuborishdi. Undan oddin esa Yusupov o'z mahoratini ishga solgandi

71. Ro'ziqul Berdiev hujum chizig'i borasida yaxshigina o'ylab olishi kerak. Bugungi o'yin shuni ko'rsatmoqdaki, "Nasaf"da hujum yo'q.

69. Muxtor Qurbonovning o'zgarishlari o'z so'zini aytishni boshlamoqda. Berdievning o'zgarishlari hozircha samara bermayapti. Suhrob Berdiev o'yinga tezda kirishib ketdi. "Sho'rtan"ning hujumlari jozibakor ko'rinish olmoqda

68. Xavfli vaziyat!!! Suhrob Berdievvvvv!!! Ajoyib zarba!!!! Darvoza to'sini mehmonlarning joniga oro kirdi

67. Ogohlantirish. "Nasaf". Bahrom Abdurahimov

65. O'zgarish. "Sho'rtan". Viktor Klishin o'rniga Suhrob Berdiev tushdi

64. Artur Gevorkyannnigg kuchli bo'lmagan zarbasini qaytarish Temur Jo'raevga qiyinchilik tug'dirmadi

61. Ro'ziqul Berdiev hayolan "Loko" va "Al Ahli" bilan zyinga tayergarlikni boshlab yuborgan shekilli. Bugungi o'yinda tarkibda ko'plab o'zgarishlar qilindi va jamoaning o'yiniga ozmi-ko'pmi tasir qilishi tabiiy. Maydondagi 11 futbolchi hozircha g'uzorliklarga etarlicha qarshilik qila olishmayapti. Temur Jo'raev bugun ko'p ham o'yinga kirishaetgani yo'q. "Nasaf"ning nominal hujumchisi Ilhom Shomurodov esa shunchaki maydonda sayr qilib yurgandek.

58. O'zgarish. "Nasaf". Ilhom Yunusov o'rniga Shohruh Gadoev tushdi

57. G'uzordagi stadionga kelgan muxlislar stadionni "portlatishmokda". Bunga sabab "Sho'rtan"ing keskin hujumlari!!! Viktor Karpenkoning chap qanotdan oshirib bergn to'pini Viktor Klishin darvozaga yo'lladi. Bu vaziyatda "Nasaf" joniga Sherzod Azamov oro kirdi. Himoyachi to'pni darvoza chizig'i oldidan boshi bilan qaytarib qoldi

56.G'ulomHaydarrrr Gulyamovvvvv!!! Bu futbolchini ushlay oladigann futbolchi bormi??? Gulyamov chap qanotdan raqibini dog'da qoldirdi va to'pni jarima maydonchasiga oshirdi. To'p yo'l-yo'lakay futbolchiga tegdi va sal qolsa darvozadan o'rin olishi mumkin edi. O'tkir Yusupov bir amallab to'pni maydon tashqarisiga chiqarib yubordi

54. "Sho'rtan" yanada hujumkorliki oshirmoqda. Mezbonlar hozircha qarshiliklarni "ezib" qo'yishmoqda

52. "Nasaf"ning hujumi besamar tugadi. Farruh Sayfiev zarba berishda biroz kech qoldi

49. "Sho'rtan" har bir jihatdan bugun raqibidan ustunlik qilmoqda. Erkin Boydullaev, Shuhrat Muhammadiev, Hamza Karimov kabi etakchi futbolchilarning yo'qligi o'z so'zini aytaetgan bo'lishi mumkin. Biroq "Sho'rtan" o'yinni tashkil etishda juda faollik bilan o'ynamoqda

48. Mirzakamol Kamolovning oshirib bergan to'pini G'ulomHaydar boshi bilan darvozaga yo'lladi - 1:0.

48. GOOOOOOOOOOOOOOOOOOOL! 1:0. G'ulomHaydar Gulyamov!

47. Uchrashuvni tomosha qilish uchun stadionga 6525 nafar tomoshabin kelgan

46. Ikkinchi bo'lim boshlandi!

Fotolar: Sardor Nurov ("Nasaf" matbuot xizmati)

"Nasaf" matbuot xizmati tayyorlagan statistika bilan tanishing:
BIRINCHI BO'LIM STATISTIKASI:
"Sho'rtan" - "Nasaf"
Zarbalar: 3-4
Aniq zarbalar: 1-2
Burchak to'plari: 1-2
Qoida buzilishi: 5-8
Ofsayd: 1-2

45. Birinchi bo'lim yakunlandi.

45. Endi Farruh Sayfiev Karpenko singari raqib darvozasiga zarba yo'lladi. Temur Jo'raev ortiqcha qiyinchiliksiz to'pni ushlab oldi

45. Viktor Karpenko jarima maydonchasi tashqarisidan zarba yo'lladi. To'p O'tkir Yusupovning qo'liga borib tushdi

41. "Nasaf" jarima zarbasini tepish huquqini qo'lga kiritshdi. Artur Gevorkyanning jarima maydonchasi tomon oshirib bergan to'pini raqib himoyachilari bartaraf etishdi

36. Temur Jo'raev darvozasi odida deyarli vaziyatlar bo'lmayapti. "Shurtan" posboni hozircha o'yinni bemalol tomosha qilmoqda

34. "Sho'rtan"ning hujumlari soni tobora oshib bormoqda. Hujumdagi shiddat ham shu barobarida keskinlashmoqda. Viktor Karpenkoning o'ng qanotdan jarima maydonchasi ichiga oshirib bergan to'piga O'tkir Yusupov chaqqonlik bilan birinchi chiqib bordi va to'pga egalik qildi

33. "Sho'rtan" katta kuch bilan oldinga bormokda

32. "Sho'rtan"ning xavfli hujumi. Qanotdan jarima maydonchasi ichiga oshirib berilgan to'pni mehmonlar himoyachisi Roy Rok boshi bilan bartaraf etdi va vaziyatni yumshatdi

30. Viktor Karpenkoning jarima zarbasidan tepgan to'pi mo'ljalga aniq bormadi

29. Igor Taranni Ilhom Yunusov yiqitdi. "Sho'rtan" xavfli nuqtadan jarima zarbasini amalga oshiradi

26. O'yin asosan maydon markazida kechmoqda. Hozircha xavfli vaziyatlar juda kam

24. "Nasaf" tashabbusni yana o'z tomoniga og'dirdi. Bu safar chap kanotdan Farrux Sayfiev va Bahrom Abdurahimov juda chiroyli kombinaciyani tashkil etishdi. Biroq so'nggi pallada Sayfievga to'pni o'zidan uzoqlashtirib yubordi

22. Alisher Yusupov o'ng qanotdan to'pni havolatib jarima maydonchasiga uzatdi. Shomurodovning boshi bilan darvozaga yo'llagan zarbasi noaniq ketdi

19. Alisher Yusupovning burchakdan oshirib bergan to'piga Farrux Sayfiev boshi bilan zarba yulladi, noaniq

15. "Nasaf" ham oldinga o'tishga intilmokda. Artur Gevorkyan o'yindan tashqari holatda qolib ketdi

13. "Sho'rtan" maydon markazi oldidan jarima to'pi tepdi. Viktor Karpenkoning oshirib bergan to'pini Yusupov egallab oldi va xavfni bartaraf etdi.

10. Xavfli hujum! "Sho'rtan" jonlanmmoqda. Karpenkoning qanotdan uzatib bergan to'pini Alisher Yusupov jarima maydonchasi ichidan uzoqlashtirishga erishdi. Aks holda uchrashuvda hisob ochilishi mumkin edi

8. "Sho'rtan" ilk hujumini uyushtirdi. Uzoq o'ylangan hujumni Laziz Ubaydullaev o'zining uzoqdagi zarbasi bilan yakunlamoqchi bo'ldi. Lekin uning tepgan to'pini O'tkir Yusupov ortiqcha qiyinchiliksiz bartaraf etdi

5. "Nasaf" to'pga egalik qilishda katta ustunlikka ega. Chap qanotdan Farrux Sayfiev to'pni jarima maydonchasi ichiga tashlab berdi. Biroq Temur Jo'raev to'pni xotirjam ushlab oldi

1. O'YIN BOSHLANDI!

Qashqadaryo derbisida "ajdarlar"dan irodali g'alaba yoxud "Sho'rtan" - "Nasaf" 1:2