3-турдан аввал Иордания ўзи учун Қатар масаласини ҳал қилди деб айтишимиз мумкин. Гуруҳ фаворитининг ҳисобида 6 очко ва 9:0 тўплар нисбати.

Қувайт эса ҳозирча "осилиб" турибди. Эртага бўлиб ўтадиган ўйинда уларни фақат ғалаба қаноатлантиради. Дуранг Ўзбекистон ёшлар терма жамоасининг фойдасига. Агар Иордания бу ўйинда иккинчи таркиби билан иштирок этса ва мағлубиятга учраса Қувайтни ўзи билан Осиё чемпионатига олиб чиққан бўлади. Ҳар қандай ҳисобдаги ғалаба Қувайтни гуруҳда биринчи ўринга олиб чиқади. Иордания 4:0 ҳисобида мағлубияга учраган тақдирда ҳам тўплар нисбати +5 бўлади ва биздаги қизил карточка туфайли Рио-2016 сари юришини давом эттира олади. Иккита йўлга кўра Ўзбекистон ёшлар терма жамоаси Осиё чемпионатига чиқиши мумкин:

1. Иордания - Қувайт ўйини дуранг билан тугаши. Бу ҳолатда Қувайт гуруҳда қолиб кетади.

2. Иордания Қувайтга 5:0 ҳисобида мағлубиятга учраши. Бунисида эса Иордания йўлланмани қўлдан бой беради.

Ҳиндистон мўжизаси ёдингиздами? Демак, эртани кутамиз... Ҳа айтгандай, Эртага Иордания бизнинг фойдамизга хизмат қилувчи натижа учун майдонга чиқиш эҳтимоли катта. Агар ҳақиқатдан ҳам шундай бўлса биз улардан албатта миннатдор бўламиз, аммо ундан кейин олимпия терма жамоамизга қадамини ўйлаб босишни таклиф қиламиз.

Аввал чиқиб олайлик, кейин бир фикр бор....

Қатарга бориш йўлида 2-турдан кейинги вазият қандай?