Bu haqda saytimiz xodimi Shahboz Beg'amov malum qilmoqda.

"Qizilqum"ga 2016 yilgi mavsumning yozgi qismida qo'shilgan Erkin Baydullaev jamoadan ketishga qaror qilgan. Baydullaev roppa-rosa 3 yillik faoliyati davomida "Qizilqum"ning sardori va etakchisiga aylangandi.

Tayanch zonasi vakilining xizmatiga Olmaliqning AGMK jamoasi qiziqmoqda. Tomonlar muzokaralarga kirishishgan va og'zaki kelishuvga erishilgan. Bugun ertalab futbolchi Toshkentda AGMK uchun tibbiy ko'rikdan o'tdi. Tez orada futbolchining transferi masalasi rasmiylashtirilishi kutilmoqda.

Shuningdek, "Qizilqum"ning gruziyalik legioneri va asosiy yulduzi Elguja Grigalashvili ham tez orada klubdan ketishi kutilmoqda. Futbolchi faoliyatini Navoiyda davom ettirmoqchi emas. Hozircha Elguja mavsumning ikkinchi qismini qaerda o'tkazishi malum emas. Lekin uning xizmatlariga Olmaliqning AGMK tomonidan qiziqish mavjud. Ayni damda tatilni o'z yurtida o'tkazayotgan futbolchi O'zbekistonga qaytganidan so'ng keyingi faoliyatini davom ettirishini hal qiladi.

Qayd etish kerakki, jamoadan ketayotgan "Qizilqum"ning tayanch yarim himoyachisi Erkin Baydullaev navoiyliklar safida 3 yil davomida umumiy hisobda 86 o'yin o'tkazgan va 2ta gol muallifiga aylangan.

Eslatib o'tamiz, bunga qadar jamoadan joriy transfer oynasi ochilishidan avval markaziy yarim himoyachi Eldor Boymatov ketgani hamda jamoaning yana bir legioneri Medina Smit ham tark etib, yaqin orada "Lokomotiv" tarkibiga qo'shilishi haqida xabar bergandik.

Eldor Boymatov “Qizilqum”ni tark etdi

"Qizilkum" legioneri Medina Smit va "Navbahor" futbolchisi Oston O'runov deyarli "Lokomotiv"da!

"Qizilqum"dan etakchilar ketishda davom etadi: Navbat Baydullaev va Grigalashviliga