O'sha paytlar "Toshkent oqshomi" gazetasida katta hikoyalarimni bosib chiqishardi. Ammo keyinchalik bari-bir futbol o'z ichiga meni tortib ketdi. Bittada ikkita ishni birdek olib borishga ko'zim etmaganligi uchun o'zimni faqat futbolga urdim. 3-kursda o'qib yurgan kezlarim sessiya paytida yozgan intermediyam uchun sal qolsa haydalib ketay degandim. Bugun o'sha davrlarni yodga oldim, odatda 4 ming so'mga uydan taksida ishga kelaman. Bugun 2-yo'nalishdagi avtobusga chiqib, futbolimiz haqida xayol surib kelar ekanman, quyidagi xanda miyamga o'rnashib qoldi. Ming so'mga ishxonaga etib keldim, qarasam ko'cha yuzida qovun sotishyapti. Bittasini tanlab necha pul desam, 3000 degan javobni oldim, bollar esin shu qovunni deb xarid qildim va avtobusda o'ylaganlarimga, QOVUN TUSHGANDA deya sarlavha qo'ydim.

Florentino Peres va "Barselona" prezidenti xanda qilayapti, vodiychasiga!

Xosep Bartomeu: - Peres, men sizni o'xshatdim...
Florentino Peres: - Nimaga?
Xosep Bartomeu: - PFLga...
Florentino Peres: - PFL bo'lsam nima qilardiz?
Xosep Bartomeu: O'yin boshlanishiga 2 kun qolganda, "Real"ni o'yinini keyingi yilga cho'zvorgan bo'lardim.
Iya-xi-xi-xi

Florentino Peres: - Men ham sizni o'xshatdim...
Xosep Bartomeu: - Ha, nimaga ekan?
Florentino Peres: - Jazirama issiqqa
Xosep Bartomeu: - Jazirama issiq bo'lsam nima qilar edingiz?
Florentino Peres: - "Barselona"ning o'yinini soat 16:00ga qo'yib, tuxumdek qovurilib pishishingizni bir tomosha qilardim...
Iya-xi-xi-xi

Xosep Bartomeu: - Yana, yanachi men sizni aytaymi kimga o'xshatdim?
Florentino Peres: - Ayta qoling endi...
Xosep Bartomeu: - Men Raulni Meksikada bo'lib o'tgan yoshlar o'rtasidagi jahon chempionati ishtirokchisiga o'xshatdim
Florentino Peres: - Ha shunday bo'lsa nima qilardingiz?
Xosep Bartomeu: - Umidli, istedodli yosh o'yinchi deb Kanterada o'ynatardim
Iya-ha-ha-ha

Florentino Peres: - Menda yana bittasi bor...
Xosep Bartomeu: - Ha nima ekan?
Florentino Peres: - Men sizni Futbol Medga o'xshatdim
Xosep Bartomeu: - Futbol Med bo'lsam nima qilardingiz?
Florentino Peres: - "El Klassiko" o'tib olmagunicha Suaresga ruxsat bermas edim, Shakira to'yimga birrovga kelmasa, Pikega ham ko'zi xira deb tashxis qo'yib berardim
Iya-xu-xu-xu

Xosep Bartomeu: - Man sizni o'xshatdim
Florentino Peres: - Nimaga?
Xosep Bartomeu: - Kalkulyatorga
Florentino Peres: - Kalkulyator bo'lsam nima qilar edingiz?
Xosep Bartomeu: - Sizning uyingizda men, mening uyimda siz yutqazib berib uch ochko ishlab olardim
Vu-ha-ha-ha

Florentino Peres: - Men esa sizni Kinderga o'xshatdim
Xosep Bartomeu: - Kinder bo'lsam nima qilibdi, nabirangizga edirarmidingiz?
Florentino Peres: - Yo'q, baliq boqadigan akvariumga solib, "La Ligaga" qura tashlardim...
Zalda xandon kulgu...

Xosep Bartomeu: - Unda men sizni Superkubokka o'xshatdim
Florentino Peres: - Superkubok bo'lsam nima qilibdi, ko'tarsa Ronaldu ko'taribdi-da!
Xosep Bartomeu: - Yo'q, men sizzi yutib olib, bitta qulog'ingizni uzib tuvak qilib qo'yardim.
Xi-xo-haaaa...

Nodirxo'ja Yuldashev

Qovun tushganda yoxud Peres va Bartomeudan vodiycha hangoma