Ташкилот матбуот-хизматининг хабар беришича, 2017 йилдан бошлаб Хитой клублари миллий чемпионат ўйинларида бирданига фақат уч нафар легионерни майдонга тушириши мумкин. Ўтган мавсумда тўрт нафар легионер майдонга тушиши, қайдномага эса беш нафар чет эллик футболчини киритиш мумкин бўлган.

"Бу қарор Хитой футболи ривожи учун қабул қилинди. Чеклов маҳаллий футболчиларни етиштириб чиқаришга, миллий савиянинг ўсишига, профессионал лигани барқарор ривожланишига ёрдам беради" - дейилади баёнотда.

Шу билан бирга клублар асосий таркибда 23 ёшгача бўлган футболчини майдонга тушириши шарт.

Расман: Хитой чемпионатида фақат уч легионер майдонга тушиши мумкин