Afsus-ki, Buxoro viloyatining oliy ligadagi yagona vakili, “Buxoro” jamoasi aynan uchinchi toifa, autsayderlar toifasida qolib ketmoqda.

12-turga kelib “Buxoro” bor yo'g'i 2 ochko jamg'argan holda so'nggi, 16 pog'onadan muqim joy olib ulgurdi. Ushbu holat “Buxoro” jamoasi tarixida umuman bo'lmagan holatdir. Ushbu gapimizning isboti sifatida quyidagi statistikani sizlarga havola etamiz.

“Buxoro” jamoasining O'zbekiston oliy ligasi chempionatlarida 12-turga kelib qayd etgan natijalari:

1992 yil-20 ochko

1993-18 ochko

1994-27 ochko

1995-25 ochko

1996-26 ochko

1997-13 ochko

1998-20 ochko

1999-18 ochko

2000-15 ochko

2001-15 ochko

2002-20 ochko

2003-13 ochko

2004-13 ochko

2005-12 ochko

2006-19 ochko

2007-7 ochko

2008-12 ochko

2009-6 ochko

2010 yil-birinchi liga

2011-18 ochko

2012-12 ochko

2013-16 ochko

2014-13 ochko

2015-2 ochko

Ko'rib turibsiz-ki, ushbu mavsumdagi qayt etilayotgan natijalar eng yomon natija sifatida tarixda qolmoqda. Ushbu holat tabiiy-ki, na muxlislar, na jamoa rahbariyatini qoniqtiradi.

Shu monosabat bilan rahbariyat tomonidan jamoa murabbiylar shtabida jiddiy o'zgartirishlar amalga oshirildi. Jamoada Mochinovdan so'ng vaqtinchalik bosh murabbiy vazifasini bajargan Shuhrat Fayziev istefoga chiqarildi. Undan tashqari jamoada darvozabonlar murabbiyi bo'lib ishlab kelgan Nurillo Habibov va jismoniy tayyorgarlik bo'yicha murabbiy Evgeniy Antonenko ham istefoga chiqarildi.

Kecha jamoa azolari bilan tashkillashtirilgan yig'ilishda, rasman Jamshid Saidov jamoaning bosh murabbiyi sifatida tanishtirildi.

Bundan buyon jamoaning jismoniy tayyorgarligi bo'yicha murabbiyi lavozimiga Kadimov Vyugar tayinlandi.

Katta ehtimol bilan davrozabonlar murabbiyi etib Sergey Zaxareckiy tayinlanadi. Bugun u ham Buxoroga tashrif buyurishi kutilmoqda. Bulardan tashqari jamoaga yana 2-3 ta murabbiylar tashrif buyurishi kutilmoqda.

Jamoa rahbariyatida ham o'zgarish bo'ldi. Jamoada direktor vazifasida ishlab kelgan Amrillo Najmiddinov o'rniga Alisher Rustamov ish boshladi.

Biz ushbu murabbiylar shtabiga omadlar tilab qolamiz va jamoani ushbu inqirozdan olib chiqishlariga ishonamiz.

Rasman! Jamshid Saidov "Buxoro" bosh murabbiyi!