Quyida finalga oid bazi qiziqarli raqamlarni keltirib o'tamiz.

- Oradan 12 yil o'tib “Real” yana chempionlar ligasi bosh sovrinini qo'lga kiritdi. Bu jamoaning o'ninchi Kubogi bo'ldi.

- Karlo Anchelotti faoliyati mobaynida uchinchi marta Kubokni yutdi va bu borada “Liverpul” afsonasi Bob Peysliga etib oldi.

- “Real” o'yin davomida 63 foiz to'p bilan muomalada bo'ldi.

- “Real” to'p uzatishlarining 84 foizi to'g'ri bo'ldi, “Atletiko”da esa 66 foiz.

- O'yinni ko'rish maqsadida Ispaniyadan 70 ming muxlis Lissabonga keldi. Aslida “Estadiu da Lush” stadioni 65 ming 376 kishiga mo'ljallangan bo'lib, har ikkala jamoa fanatlariga 34 ming chipta ajratilgandi.

- O'yinning 9-daqiqasida almashtirilgan Dieko Kosta maydondaligida 6 bor to'pga tegishga ulgurdi.

- Diego Godin Evropa chempionlar ligasi finalida gol urgan birinchi urugvaylik bo'ldi.

- Serxio Ramos o'zining ettinchi o'yinida oltinchi golini urdi.

- Bu o'yinda to'pga eng ko'p tekkan futbolchi Serxio Ramos bo'ldi. U 136 marta to'pga tegdi. Qolaversa, Ramos eng ko'p to'p uzatishni amalga oshirdi - 102 marta.

- Garet Beyl chempionlar ligasi finalida gol urgan birinchi uelslik futbolchi sifatida tarixga kirdi.

- Ronaldu o'yin davomida 9 marta raqib darvozasi tomon zarba berdi, shundan uchtasi aniq bordi.

- “Real” tarkibining umumiy narxi 521,9 million evroga baholangan

- “Atletiko” tarkibining narxi esa 79,05 million evro. Bu o'tgan yil birgina Garet Beylga to'langan summadan 20,95 millionga kam deganidir.

- “Real” safida eng qimmatbaho futbolchilar Ronaldu (94 million evro) bilan Garet Beyl (100 million evro). “Atletiko”dagi eng qimmatbaho o'yinchilar esa Arda Turan bilan Raul Garsiya. Ularning har ikkisi 13 million evrodan turadi.

Xorij saytlari asosida Xayrulla Xoliqov tayyorladi.

"Real" - "Atletiko" uchrashuvi raqamlarda