MATNLI TRANSLYACIYA

YANGILASH

Uchrashuv yakunlandi! "Real" yirik hisobda g'alaba qozondi! Madrid jamoasi muxlislarini ushbu yutuq bilan tabriklaymiz! Xizmatingizda Shahboz Beg'amov bo'ldi! Etibor uchun tashakkur! Sog'-salomat bo'linglar, Aziz futbol ishqibozlari!

90+3` O'yinga 3 daqiqa vaqt qo'shib berildi. Hakam ham erinmagan odam ekan...

90` Gol! Eh, hakam shu golni inobatga olaqolmaydimi... Morata gol urgandi... Lekin hakam qoida buzildi deb topdi.

89` "Real" bugungi o'yindagi qiladigan ishini qilib bo'ldi. Hakam xushtagi yangrashini kutishmoqda futbolchilar...

87` "Osasuna" futbolchilari charchab qolishgan. "Real" hujumga o'tishdan charchamayapti.

85` Gol kiritmagan kim qoldi? Birinchi nomzod Morata...

83` GOOOOOOOOOOOOOOOOOOOOOOL! Karvaxal! 4:0! Iskoning maydon markazi oldidan uzatib bergan to'pini o'ng qanot hujum chizig'ida ikkinchi bo'limdan boshlab harakat qilayotgan Karvaxal boshi bilan darvoza kiritdi. Hisob esa yiriklashdi!

83` "Osasuna" hujum qilishni davom ettirmoqda. Endi sal kechmasmikin? Tashkil etiladigan kam sonli hujumlar ham yaxshi rivoj olmayapti.

81` "Osasuna" jamoasi gol kiritishga yaqin edi. Lekin bu vaziyatda zarbaga aniqlik etishmadi.

77` "Real" to'rtinchi golni kiritishin mumkin edi. Lekin jarima maydonchasi ichidagi betartibliklardan so'ng mehmonlar himoyachisi to'pni jarima maydonchasi ichidan uzoqlashtirdi.

74` Di Mariya maydonni tark etdi. Uning o'rniga Karvaxal tushdi.

69` "Osasuna" burchak to'pi tepdi. Lekin ularning bu urinishlari ham samarasiz yakunlandi.

67` Modrich o'rniga Alonso maydonga tushirildi.

66` Uchrashuv taqdiri aniq bo'ldi! Qolgan daqiqalarni jamoalar rasmiyatchilik uchun o'tkazishadi...

64` Riera o'rniga Akuna tushdi.

62` Uchrashuv qahramoni Ronaldoning o'rniga Kazemiro maydonga tushirildi.

60` GOOOOOOOOOOOOOOOOOOOOOOOOOL! Serxio Ramos! Di Mariyaning uzatib bergan to'pini Ramos boshi bilan darvozaga joylab qo'ydi.

59` "Osasuna" tarkibida o'zgarish ruy berdi. Loe o'rniga Sanjuro tushdi.

57` "Real" muxlislari uyqudami? Lekin Ronaldoning gollari ularni uyg'otib yuboradigan darajada bo'ldi!

55` Ronaldo ushbu mavsumdagi o'zining 30-golini kiritdi.

54` Bugun Ronaldo juda faol! "Osasuna" himoyachilari uni to'xtatib qolishni chorasini topa olishmayapti...

52` GOOOOOOOOOOOOOOOOOOOOOOOOOOL! RONALDO! GOOOOOOOOOOOOOOOOL! Aytgancha, birinchi golni ko'rganmidingiz? Hech bo'lmasa o'qiganmidingiz? O'sha golni UKASI! Ajoyib gol! O'sha nuqta va o'sha ijro! Chiroyli gol! Tasanno, Ronaldo!

50` Modrichning zarbasi darvoza oldidan o'tib ketdi. "Real" bugun faqat uzoqdan gol urishni maqsad qilgandek guyo...

49` Armenteros! Uchrashuvdagi ikkinchi "chalqancha" zarba! Yana "Osasuna" futbolchilari tomonidan. Va yana noaniq.

47` "Real"ning hujumini Isko qo'pollik ishlatib to'xtatib qo'ydi.

Ikkinchi bo'lim boshlandi!

Birinchi bo'lim tugadi! TANAFFUS!

44` "Osasuna" deyarli yarim soatdan buyon hujum qila olmayapti. Ular faqat himoyalanish bilan ovoralar. Tanaffus ular uchun ko'proq kerakdek. Sal nafaslarini roslab olish uchun...

42` "Real" tanaffusgacha yana bir gol kiritmoqchiligi ko'rinib turibdi. Ketma-ket yushtirilgan hujumlar besamar yakunlandi.

40` Marselo! Ushbu futbolchining jarima maydonchasi oldidan yo'llagan kuchli zarbasinin Fernandes qaytarib yubordi! Xavfli vaziyat!

38` Ronaldo kutilmaganda to'pni darvozaga tepmadi va Serxio Ramos tomon oshirdi. Ramosning zarbasi noaniq chiqdi.

36` Ronaldo uchun vaziyat. Jarima to'pi.

34` Marselo chap qanotdan to'pni jarima maydonchasi ichiga etkazib berdi. Lekin Fernandes bu vaziyatda to'pni ushlab oldi.

32` Ronaldoda yana imkoniyat. Bu safar o'yindan tashqari holat qayd etildi.

30` Jarima to'pi. Birinchi gol kiritilgan nuqtadan amalga oshirilgan jarima to'pi. Ronaldoning zarbasi darvoza oldidan o'tib ketdi. Xavfli!

28` "Osasuna" so'nggi besh daqiqa ichida maydonda "yo'qolib" qolishdi.

26` Ronaldo "Osasuna" futbolchilariga "fint"
qilishni bilishini ko'rsatib qo'ymoqda. Ko'proq bu ishlarini amalga oshiraversin! Uchrashuvni bezab beradigan golidan keyin yanada mukammalroq "fint"larini ko'rishni istaydiganlar etarlicha topiladi.

23` Chap qanot faol, o'ng qanot u qadar emas degandim sal avval. Ronaldo ham buni sezdi va o'zi o'ng qanotga o'tdi. Krishtianoning oshirib bergan to'pini Morata golga aylantira olmadi.

21` Isko bugun faol. Ronaldo esa yurib ham chiroyli va foydali ishlarni amalga oshirmoqda.

19` "Osasuna" himoyaga yotib olmayapti. Oldinga intilmoqda. Lekin ular hujumda "yaxshi" o'yin ko'rsata olishmayapti.

17` "Santyago Bernabeu" stadioni bugun "liq" to'lmagan.

16` Maydon egalari o'z kuchlarini tejab harakat qilishmoqda. Ularni seshanba kuni mavsumning eng muhim o'yinlaridan biri "Bavariya"ga qarshi ECHL yarim final javob bahsi kutmoqda.

14` "Osasuna" nimadir qilmoqchi!? Ular to'pni o'zlariga olishgandan so'ng, shu nima qilmoqchi ekanliklarini unutib qo'yishmoqda.

12` "Real" navbatdagi hujumini tayyorlamoqda. Bugun "kaymoqchilar"ning chap qanoti faol. Siz boshqacha bo'lishini kutganmidingiz? Beyl bugun yo'q. Shunday ekan, o'ng qanotdan avvalgidek faollikni talab etib bo'lmaydi.

10` "Osasuna" kurashmoqchi! Birin-ketin hujumlar. Burchak to'pi ham tepishdi. Lekin hozircha Diego Lopes darvozasi oldida chinakamiga xavfli vaziyat yuzaga kelmadi.

8` "Real" va Ronaldo o'yinni o'zlari istashgandek boshlashdi! Buyog'iga gollar-shousini ko'ramizmi? Yoki "Osasuna" qarshilik qila oladimi? Buni vaqt qo'rsatadi.

6` GOOOOOOOOOOOOOOOOOOOOOOOOOOOOL! GOOOOOOOOOOOOOOOOL! GOOOOOOOOOOOOL! Ronaldo! AJOYIB-GOL! Zargarona zarba va fantastik gol! Krishtiano Ronaldo chap qanotdan darvoza tomon bordi va chamasi 23-24 metrlar masofadan o'zining takrorlanmas zarbasini yo'lladi! Fernandes bu erda faqatgina tomosha qilishi mumkin edi. Zargarona gol!

6` "Osasuna" futbolchisi Sexudo oddiy gol urishni emas, chalqancha uslubda Diego Lopes darvozasinin ishg'ol etishga urinib ko'rdi. Befoyda.

5` "Real" burchak to'pini tepgandi. Endi navbat mehmonlarga.

4` Serxio Ramos maydon markazida raqibiga nisbatan qoidani buzdi. "Osasuna" jarimani amalga oshirdi. Lekin ularni o'ylagan rejalari ish bermadi.

2` "Real"ning hujumini "Osasuna" himoyachilari bartaraf etishdi.

Uchrashuv boshlandi!

Tito Vilanova xotirasiga bag'ishlab bir minutlik sukut elon qilindi.

Jamoalar maydonga chiqib kelishmoqda.

Assalomu aleykum qadrli futbol ishqibozlari! Bugun Ispaniya chempionati doirasidagi "Real" - "Osasuna" uchrashuvini saytimiz orqali matnli onlayn tarzda yoritib boramiz. Ushbu o'yin sharhida Shahboz Beg'amov ishlaydi.

Uchrashuv soat 23:00 da boshlanadi.

Ispaniya chempionati, 35-tur.

"Real" - "Osasuna" 4:0

Gollar: Ronaldo (6, 52), Ramos (60), Karvaxal (83)
"Real": Diego Lopes, Nacho, Varan, Ramos, Marselo, Ilyarramendi, Modrich (Alonso, 67), Isko, Di Mariya (Karvaxal, 74), Morata, Ronaldu (Kazemiro, 62).

"Osasuna": A.Fernandes, Damia, Flano, Arribas, Oriol, Punyal, Loe (Oyer, 59), Sexudo, de las Kuevas, Armenteros (Lobato, 77), Riera (Akunya, 63).

"Real" Myunxen safari oldidan yirik g'alabaga erishdi